Menu
003

002

Untitled

004

ກົດເພື່ອເບິ່ງ ວິດີໂອ

ໃນ​ເດືອນ​ກັນ​ຍາ, ເດັກ​ນ້ອຍ​ຫ້ອງ ປ.1 ຈະ​ເລີ່ມ​ຕົ້ນ​ສົກ​ຮຽນ​ໃໝ່​ກັບ​ຫຼັກ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງ​ໃໝ່. ຫຼັກ​ສູດ​ສະ​ບັບ​ປັບ​ປຸງ​ໃໝ່ແມ່ນ​ມີ​ຄວາມສຳ​ຄັນ ເພາະ​ນຳ​ໃຊ້ໃນ​ຂອບ​ເຂດ​ທົ່ວ​ປະ​ເທດ ແລະ ເປັນ​ຫຼັກ​ສູດ​ທີ່​ປັບ​ປຸງ​ວິ​ທີ​ການ​ຮຽນ​ການ​ສອນ​ແບບ​ໃໝ່​. ຫ້ອງ ປ.2 ​ເຖິງ ຫ້ອງ ປ5 ຈະ​ມີ​ການ​ປັບ​ປຸງຫຼັກ​ສູດ​ຕາມ​ລຳ​ດັບ​ຈົນ​ຮອດປີ 2023. ຫຼັກ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງ​ໃໝ່ ແລະ ​ສື່​ການ​ຮຽນ​ການ​ສອນ​ໃໝ່​ທີ່​ຈະແຈກ​ຢາຍ ຈະ​ຊ່ວຍ​ໃຫ້​ຜົນ​ການ​ຮຽນ​ສຳ​ລັບ​ເດັກ​ນ້ອຍ​ລາວ​ດີ​ຂຶ້ນ ແລະ ນອກ​ຈາກ​ຫຼັກ​ສ​ູດ ແລະ ສື່​ການ​ຮຽນ​ການ​ສອນ​ໃໝ່​ແລ້ວ ມັນຍັງ​ຮຽກ​ຮ້ອງ​ໃຫ້​ມີ​ການ​ປ່ຽນ​ແປງ​ພຶດ​ຕິ​ກຳ​ໃນ​ການ​ຮຽນ ແລະ ການ​ສອນນຳ​ດ້ວຍ.

ເພື​່ອ​ສົ່ງ​ເສີມ​ຫຼັກ​ສູດ​ສະ​ບັບ​ປັບ​ປຸງ​ໃໝ່ ແລະ ໃຫ້​ທຸກ​ຄົນ​ຮັບ​ຮູ້​ກ່ຽວ​ກັບ​ການ​ປ່ຽນ​ແປງ​ນີ້, ກະ​ຊວງ​ສຶກ​ສາ​ທິ​ການ ແລະ ກິ​ລາ ແຫ່ງ ສ​ປ​ປ ລາວ ​ຈື່ງ​ໄດ້​ຜະ​ລິດໂຄ​ສະ​ນາ​ທາງ​ໂທ​ລະ​ພາບ​ກ່ຽວ​ກັບ​ຫຼັກ​ສູດ​ສະ​ບັບ​ປັບ​ປຸງ​ໃໝ່​ນີ້, ເຊິ່ງ​ເປັນ​ການ​ປະ​ກາດ​ຢ່າງ​ເປັນ​ທາງ​ການ​ຂອງ​ຫຼັກ​ສູດ​ສະ​ບັບ​ປັບ​ປຸງ​ໃໝ່ ແລະ ​ເພື່ອສະ​ແດງ​ໃຫ້​ນັກ​ຮຽນ​ຫ້ອງ ປ.1 ເຫັນ ແລະ ​ຕື່ນ​ເຕັ້ນ​ກັບ​ຊຸດ​ປຶ້ມ​ແບບ​ຮຽນ​ສະ​ບັບ​ປັບ​ປຸງໃໝ່. ປຶ້ມ​ແບບ​ຮຽນ​ໃໝ່​ໄດ້​ອອກ​ແບບ​ມາ​​ຢ່າງ​ໜ້າ​ສົນ​ໃຈ ແລະ ໜ້າດຶງ​ດູດ​ສຳ​ລັບ​ເດັກ​ນ້ອຍເພາະ​ມີ​ສີ​ສັນ ແລະ ຮູບ​ພາບ​ທີ່​ປະ​ຈັກ​ຕາ ເພື່ອ​ການ​ຮຽນ​ຮູ້​ທີ່​ມ່ວນ​ຊື່ນ. ພ້ອມ​ນັ້ນ ຍັງ​ມີ​

ກິດ​ຈະ​ກຳ​ທີ່​ຫຼາກ​ຫຼາຍ ເພື່ອ​ສົ່ງ​ເສີມ​ໃຫ້​ເດັກ​ນ້ອຍ​ຮຽນ​ຮູ້​ໄດ້​ດີ​ຂຶ້ນ ແລະ ປະ​ກອບ​ສ່ວນ​ໃນ​ການ​ຮຽນ​ຂອງ​ພວກ​ເຂົາ.

ຄວາມ​ຍາວ​ຂອງ​ໂຄ​ສະ​ນາ​ທາງ​ໂທ​ລະ​ພາບ​ນີ້​ແມ່ນ 1 ນາ​ທີ ແລະ ອອກ​ອາ​ກາດ​ທາງ​ໂທ​ລະ​ພາບ​ແຫ່ງ​ຊາດ​ລາວ ຊ່ອງ 1 ໃນ​ຊ່ວງ​ຂອງ​ຂ່າວ​ລາຍ​ການສຶກ​ສາ​. ໂຄ​ສະ​ນາ​ທາງ​ໂທ​ລະ​ພາບ​ເລີ່ມ​ອອກ​ອາ​ກາດ​ວັນ​ຄານ 06 ສິງ​ຫາ ແລະ ຈະ​ອອກ​ອາ​ກາດ​ຕະ​ຫຼອດ​ເດືອນ​ສິງ​ຫາ​ນີ້. ໂຄ​ສະ​ນາ​ດັ່ງ​ກ່າວ​ແມ່ນ​​ຜະ​ລິດໂດຍ​ສູນ​ໂຄ​ສະ​ນາ​ຂໍ້​ມູນ​ຂ່າວ​ສານສຶກ​ສາ ແລະ ກິ​ລາ ຂອງ ກະ​ຊວງ​ສຶກ​ສາ​ທິ​ການ ແລະ ກິ​ລາ ໂດຍ​ການ​ສະ​ໜັບ​ສະ​ໜູນ​ຂອງ ບີ​ຄວາ.

ໂຄ​ສະ​ນາ​ດັ່ງ​ກ່າວ ​ຈະ​ເຮັດ​ໃຫ້​ເດັກ​ນ້ອຍຕື່ນ​ເຕັ້ນ​ທີ່​ຈະ​ໄດ້​ຮັ​ບ​ຊຸດ​ປຶ້ມ​ແບບ​ຮຽນ​!

ທ່ານ​ສາ​ມາດ​ເບິ່ງ​ໂຄ​ສະ​ນາ​ນີ້​ໄດ້​ທີ່​ໂທ​ລະ​ພາບ​ແຫ່ງ​ຊາດ​ລາວ ຊ່ອ​ງ 1

ວັນ​ຄານ ເວ​ລາ 8.25-8.55 ໂມງ​ເຊົ້າ

ວັນ​ຄານ ເວ​ລາ 17.25-17.55 ໂມງ​ແລງ

ວັນ​ພູດ ເວ​ລາ 8.15-8.45 ໂມງ​ເຊົ້າ

ວັນ​ເສົາ ເວ​ລາ 17.25-17.55 ໂມງ​ແລງ