ແຜນງານບີຄວາ ໄດ້ຮັບອະນຸມັດຈັດຕັ້ງປະຕິບັດໄລຍະ 1 ໃນປີ 2015 ແມ່ນແຜນງານທີ່ນຳພາໂດຍກະຊວງສຶກສາທິການ ແລະ ກິລາ ໂດການສະໜັບສະໜູນຈາກລັດຖະບານອົດສະຕຣາລີ. ແຜນງານມີພະນັກງານຊ່ຽວຊານເຮັດວຽກຢູ່ຂັ້ນສູນກາງ ຈົນເຖິງຂັ້ນທ້ອງຖິ່ນ ເພື່ອຊ່ວຍກະຊວງ ສສກ ໃນການຈັດຕັ້ງປະຕິບັດແຜນງານໂດຍເນັ້ນໃສ່ການພັດທະນາຫຼັກສູດຊັ້ນປະຖົມສຶກສາ, ພັດທະນາວິຊາຊີບຄູແບບຕໍ່ເນື່ອງ ແລະ ການເຊື່ອມໂຍງທາງດ້ານບົດບາດຍິງ-ຊາຍໃນວຽກງານການສຶກສາຮຽນຮ່ວມ.
ກະຊວງສຶກສາທິການ ແລະ ກິລາ ເປັນກະຊວງຫຼັກທີ່ໃຫ້ການຊີ້ນຳແຜນງານບີຄວາ ຕາງໜ້າໃຫ້ລັດຖະບານ ແຫ່ງ ສປປ ລາວ. ວິໃສທັດຂອງ ກະຊວງ ສສກ ຮອດປີ 2030 ແມ່ນເພື່ອທີ່ຈະ “ສ້າງໂອກາດໃຫ້ປະຊາຊົນລາວທຸກຄົນ ໄດ້ເຂົ້າເຖິງການສຶກສາຢ່າງເທົ່າທຽມກັນ ໂດຍເນັ້ນໃສ່ການປັບປຸງຄຸນນະພາບຂອງການສຶກສາ”. ແຜນງານບີຄວາ ໄດ້ຈັດຕັ້ງປະຕິບັດໂດຍສອດຄ່ອງກັບແຜນພັດທະນາວຽກສຶກສາທິການ ແລະ ກິລາ ຄັ້ງທີ 8 ແລະ ແຜນຍຸດທະສາດການພັດທະນາວຽກສຶກສາທິການ ແລະ ກິລາ ຄັ້ງທີ 9.
ລັດຖະບານອົດສະຕຣາລີ ເປັນຜູ້ໃຫ້ທຶນເພື່ອສະໜັບສະໜູນການສຶກສາຂັ້ນພື້ນຖານ ໃນ ສປປ ລາວ ຫຼາຍທີ່ສຸດ, ຊຶ່ງແຜນງານຂອງບີຄວາ ກໍເປັນໜຶ່ງແຜນງານທີ່ການລົງທຶນທີ່ມີຄວາມສຳຄັນຢ່າງຍິ່ງຂອງລັດຖະບານອົດສະຕຣາລີ ໂດຍໃຫ້ການສະໜັບສະໜູນດ້ານວິຊາການ ແລະ ງົບປະມານ ຈຳນວນ 80.300.672 ໂດລາອົດສະຕຣລີ ໃນໄລຍະທີ 1 ແຕ່ເດືອນ ພິືດສະພາ 2015 ຫາເດືອນ ມີຖຸນາ 2022.