Menu

ຄູທ້ອງຖິ່ນຈຳນວນ 122 ຄົນ ໄດ້ສຳເລັດການສຶກສາຈາກວິທະຍາໄລຄູ. ພວກເຂົາຈະໄດ້ໄປສອນຮ່ວມກັບ ຄູທ້ອງຖິ່ນ 209 ຄົນ ທີ່ຫາກໍ່ສຳເລັດການສຶກສາປີກາຍນີ້ ແລະ ໄດ້ຖືກຊັບຊ້ອນ ແລະ ສອນຢູ່ຊຸມຊົນຂອງພວກເຂົາໃນເຂດຫ່າງໄກສອກຫຼີກ!

Image 001

Image 002

Image 003

ໃນ​ລະ​ຫວ່າງວັນ​ທີ 4 ເຖິງ 5 ກໍ​ລະ​ກົດ, ນັກ​ຮຽນ​ຄູ​ຈາກ​ເຂດ​ຊົນ​ນະ​ບົດ ແລະ ເຂດ​ຫ່າງ​ໄກ​ສອກ​ຫຼີກ ຈຳ​ນວນ 122 ຄົນ ລຸ່ນ​ທີ​ສອງ, ໃນ​ນີ້ ຍິງ​ມີ 73 ຄົນ ແລະ ຊາຍ 39 ຄົນ ທີ່​ໄດ້​ຮັບ​ທຶນ​ການ​ສຶກ​ສາ ແລະ ການ​ສະ​ໜັບ​ສະ​ໜູນຈາກ​ແຜນ​ງານ​ບີ​ຄວາ​ ໄດ້​ສຳ​ເລັດ​ການ​ສຶກ​ສາ​ຈາກວິ​ທະ​ຍາ​ໄລ​ຄູ 3 ແຫ່ງຄື ວິ​ທະ​ຍາ​ໄລ​ຄູ​ແຂວງ​ຫຼວງ​ນ້ຳ​ທາ, ວິ​ທະ​ຍາ​ໄລ​ຄູແຂວງ​ສະ​ຫວັນ​ນະ​ເຂດ ແລະ ວິ​ທະ​ຍາ​ໄລ​ຄູແຂວງ​ສາ​ລະ​ວັນ. ພວກ​ເຂົາ​ແຕ່​ລະ​ຄົນ​ຈະ​ຖືກ​ຊັບ​ຊ້ອນ​ເພື່ອ​ກັບ​ໄປ​ສອນ​ໃນ​ຊຸມ​ຊົນ​ຂອງ​ພວກ​ເຂົາ​ໃນ​ເຂດ​ຫ່າງ​ໄກ​ສອກ​ຫຼີກ.

ພິ​ທີ​ສົ່ງ​ນັກ​ສຶກ​ສາ​ຄູ​ທີ່​ວິ​ທະ​ຍາ​ໄລ​ຄູ​ຫຼວງ​ນ້ຳ​ທາ ໄດ້​ຈັດ​ຂຶ້ນ​ໃນ​ວັນ​ທີ 04 ກ​ໍ​ລະ​ກົດ ເຊິ່ງ​ເປັນປະ​ທານ​ໂດຍ ທ່ານ ເກດ ພັນ​ລັກ, ຫົວ​ໜ້າ​ກົມ​ສ້າງ​ຄູ, ທ່ານ ນາງ ເຄ​ທີ ສະ​ມິດ, ຮັກ​ສາ​ການຮອງເອກອັກຄະລັດຖະທູດ, ສະ​ຖານ​ທູດ​ອົດ​ສະ​ຕ​ຣາ​ລີ​ປະ​ຈຳ​ລາວ ແລະ ທ່ານ ຄຳ​ສຸກ ທອງ​ກ່ານ, ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ນ້ຳ​ທາ, ຫົວ​ໜ້າ​ພະ​ແນກ​ສຶກ​ສາທິ​ການ ແລະ ກິ​ລາ​ແຂວງ​ຫຼວ​ງ​ນ້ຳ​ທາ.

 ພ້ອມ​ດຽວ​ກັນ​ນັ້ນ ພິ​ທີ​ສົ່ງ​ນັກ​ສຶກ​ສາ​ຢູ່​ທີ່​ວິ​ທະ​ຍາ​ໄລ​ຄູ​ສະ​ຫວັນ​ນະ​ເຂດ ​ໄດ້​ຈັດ​ຂຶ້ນ​ໃນ​ວັນ​ທີ 05 ກໍ​ລະ​ກົດ ໂດຍ​ການ​ເປັນ​ປະ​ທານ​ຂອງ ​ ທ່ານ ຄຳ​ໃບ​ ຄຳ​ສີ, ຮອງ​ຫົວ​ໜ້າ​ກົມ​ສ້າງ​ຄູ, ທ່ານ ລັດ​ສະ​ໝີ ພະ​ໄຊ​ສີ, ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູ​ສະ​ຫວັນ​ນະ​ເຂດ,

ທ່ານ ຖາ​ວອນ ອິນ​ສີ​ຊຽງ​ໃໝ່, ຮອງ​​ຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາ ແຂວງ​ສະ​ຫວັນ​ນະ​ເຂດ ແລະ ທ່ານ ນັນ​ທະ​ໄຊ ອິນ​ທະ​ສອນ, ຮອງຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ​ຄຳ​ມ່ວນ.

ແລະ ວິ​ທະ​ຍາ​ໄລ​ຄູ​ສາ​ລະ​ວັນ ​ກໍ່​ໄດ້​ຈັດ​ຂຶ້ນ​ໃນ​ວັນ​ທີ 05 ກໍ​ລະ​ກົດ ເຊັ່ນ​ກັນ ໂດຍ​ການ​ເປັນ​ປະ​ທານ​ຂອງ ທ່ານ ສິ​ລິ​ສັກ ຖະ​ໜອມ​ຮັກ, ຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ​ສາ​ລະ​ວັນ, ທ່ານ ສົມ​ພາຍ ແສງວິ​ໄລ​ສັກ, ຫົວ​ໜ້າ​ພະ​ແນກກໍ່​ສ້າງ​ຄູ, ທ່ານ ສຸ​ດອນ ວົງ​ສະ​ຫວັດ, ຮອງ​ອຳ​ນວຍ​ການ​ວິ​ທະ​ຍາ​ໄລ​ຄູ​ສາ​ລະ​ວັນ

ແຜນ​ງານ​ບີ​ຄວາ ພາຍ​ໃຕ້​ການ​​ນຳ​ພາ​ຂອງ​ກະ​ຊວງ​ສຶກ​ສາ​ທິ​ການ ແລະ ກິ​ລາ ໂດຍ​ການ​ສະ​ໜັບ​ສະ​ໜູນ​ຈາກ​ລັດ​ຖະ​ບານ​ອົດ​ສະ​ຕາ​ລີ ແລະ ສະ​ຫະ​ພາບ​ເອີ​ລົບ ໄດ້​ສະ​ໜັບ​ສະ​ໜູນ​ບຸ​ລິ​ມະ​ສິດວຽງານ​ການ​ສຶກ​ສາ ​ຂອງ​ລັດ​ຖະ​ບານ​ແຫ່ງ ສ​ປ​ປ ລາວ. ຈຸດ​ປະ​ສົງ​ຂອງ​ແຜນ​ງານ​ແມ່ນ​ເພື່ອ ​​ສະ​ໜັບ​ສະ​ໜູນ​ນັກ​ຮຽນຄຸ​ຊົນ​ເຜົ່າ​ນີ້ ຈາກ​ຊຸມ​ຊົນ​ຫ່າງ​ໄກ​ສອກ​ຫຼີກ ເພື່ອ​ໄປ​ປັບ​ປຸງ​ຜົນ​ການ​ຮຽນ​ໃນ​ເຂດ​ທີ່​ດ້ອຍ​ໂອ​ກາດ​ທາງ​ການ​ສຶກ​ສາ ໂດຍ​ການ​ຝຶກ​ອົບ​ຮົມ​ນັກ​ຮຽນ​ຄູ​ຊົນ​ເຜົ່າ​ຈາກ​ໝູ່​ບ້ານ​ຫ່າງ​ໄກ​ສອກ​ຫຼີກ​ໃຫ້​ກາຍ​ມາ​ເປັນ​ຄູ​ໃນ​ອະ​ນາ​ຄົດ​ຢູ່​ຊຸມ​ຊ​ົນ​ຂອງ​ພວກ​ເຂົາ.

ຄູ​ຊົນ​ເຜົ່າ​ແມ່ນຜູ້​ທີ່​ເໝາະ​ສົມ​ໃນ​ການ​ຊ່ວຍຜົນ​ການ​ຮຽນ​ຂອງ​ເດັກ​ນ້ອຍ​ຢູ່​ໂຮງ​ຮຽນ​ຊັ້ນ​ປະ​ຖົມ​ໃນ​ຊຸມ​ຊົນ​ຫ່າງ​ໄກ​ສອກ​ຫຼີກ​ໃຫ້​ດີ​ຂຶ້ນ ໂດຍ​ສະ​ເພາະ​ຊຸມ​ຊົນ​ຊົນ​ເຜົ່າ. ພວກ​ເຂົາ​ເຂົ້າ​ໃຈ​ພາ​ສາ ແລະ ວັດ​ທະ​ນະ​ທຳ​ຂອງ​ນັກ​ຮຽນ​ຕົນ​ເອງ, ເຊິ່ງ​ມີ​ຄວາມ​ສຳ​ຄັນ​ໃນ​ການ​ເຂົ້າ​ຮຽນ​ປີ​ທຳ​ອິດ ແລະ ການ​ຮຽນ​ພາ​ສາ​ລາວ​ຂອງ​ເດັກ​ນ້ອຍ.

          ໃນ ສ​ປ​ປ ລາວ, ເປັນ​ປະ​ເທດ​ທີ່​ມີ​ຊົນ​ເຜົ່າເກືອບ 50 ຊົນ​ເຜົ່າ ທີ່​ແຕກ​ຕ່າງ​ກັນ, ເດັກ​ນ້ອຍ​ຢູ່​ບ້ານ​ຫ່າງ​ໄກ​ສອກ​ຫຼີກ​ຈຳ​ນວນ​ຫຼາຍ ບໍ່​ເຄີຍ​ໄດ້​ຮຽນ​ພາ​ສາ​ລາວ ເມື່ອ​ພວກ​ເຂົາ​ເຂົ້າ​ໂຮງ​ຮຽນ​ໃໝ່. ບໍ່​ມີ​ໃຜ​ເປັນ​ຂົວ​ເຊື່ອມ​ຕໍ່​ດ້ານ​ພາ​ສາ ແລະ ຊ່ວຍ​ເດັກ​ໃນ​ຊຸມ​ຊົນ​ຂອງ​ພວກ​ເຂົາ ໃນ​ການ​ເວົ້າ, ອ່ານ ແລະ ການ​ຂຽນ​ພາ​ສາ​ລາວ​ໃຫ້​ດີ​ຂຶ້ນ ແລະ ໄວ​ຂຶ້ນ ລວມ​ທັງ​ການ​ຮຽນ​ການ​ນັບ​ເລກ – ທັກ​ສະ​ຕ່າງໆ​ທີ່​ຈຳ​ເປັນ​ໃນ​ປະ​ໂຫຍດ​ໃນ​ຍຸກ​ປະ​ຈຸ​ບັນ​ເພື່ອການ​ຊອກວຽກ​ເຮັດ​ງານ​ທຳ​ທີ່​ດີ ຫຼື ການ​ປະ​ກອບ​ທຸ​ລະ​ກິດ. ນອກ​ຈາກ​ນີ້ ຄູ​ຊົນ​ເຜົ່າ​ທີ່​ມາ​ຈາກ​ທ້ອງ​ຖິ່ນ ຍັງ​ມີ​ແນວ​ໂນ້ມ​ທີ່​ຈະ​ສືບ​ຕໍ່​​ສອນ​ຢູ່​ໂຮງ​ຮຽນ​ໃນ​ບ້ານ​ຂອງ​ພວກ​ເຂົາ ແລະ ຄູ​ທ້ອງ​ຖິ່ນ​ເພດ​ຍິງກໍ​ຍັງ​ເປັນ​ຕົວ​ແບບ​ໃຫ້​ແກ່​ແມ່​ຍິງ, ໂດຍ​ສະ​ເພາະ​ເດັກ​ຍິງ ໃນ​ຊຸມ​ຊົນ​ຂອງ​ພວກ​ເຂົາ

          ມາ​ຟັງ​ເລື່ອງ​ລາວ​ຂອງ ບົວ​ລີ ແລະ ໂຊ​ຄອງ ນັກ​ສຶກ​ສາ​ຄູ​ທີ່​ສຳ​ເລັດ​ການ​ສຶກ​ສາ​ປີ​ນີ້, ສາ​ມາດ​ເຂົ້າ​ເບິ່ງ​ເລື່ອງ​ລາວ​ຂອງ​ພວກ​ເຂົາ​ໄດ້​ທີ່​ນີ້