Menu

ເມືອງງາ (ແຂວງອຸດົມໄຊ), ເມືອງນາແລ (ແຂວງຫຼວງນ້ຳທາ) ແລະ ແຂວງແມດ (ແຂວງວຽງຈັນ) ແມ່ນສາມເມືອງທຳອິດທີ່ຈະໄດ້ຮັບສື່ການຮຽນການສອນຂັ້ນ ປ.1 ໃນວັນທີ 13 ແລະ 14 ມິຖຸນາ 2019 ນີ້.

Image 002

Image 003

Image 001

ໃນ​ເດືອນ​ກໍ​ລະ​ກົດ ແລະ ສິງ​ຫາ 2019, ຄູ, ຜູ້​ອຳ​ນວຍ​ໂຮງ​ຮຽນ​ຊັ້ນ​ປະ​ຖ​ົມ​ສຶກ​ສາ ແລະ ຄູ​ສຶກ​ສາ​ນິ​ເທດ​ຂັ້ນ ປ.1 ຫຼາຍກວ່າ 16,600 ຄົນ ຈະ​ໄດ້​ຮັບ​ການ​ຝຶກ​ອົບ​ຮົມການ​ສອນ​ແບບ​ໃໝ່ ແລະ ການ​ນຳ​ໃຊ້​ຫຼັກ​ສູດ​ ຂັ້ນ ປ.1 ສະ​ບັບ​ປັບ​ປ​ຸງ​ໃໝ່. ແຕ່​ລະ​ທ່ານ​ຈະ​ໄດ້​ຮັບ​ປຶ້ມ​ສຳ​ລັບ​ຜູ້​ເຂົ້າ​ຮ່ວມ, ຊຸດ​ປຶ້ມ​ແບ​ບ​ຮຽນ​ສີ່​ຫົວ ແລະ ຊຸດ​ຄູ່​ມື​ຄູ​ເຈັດ​ຫົວ. ໃນ​ເດືອນ​ກັນ​ຍາ 2019, ນັກ​ຮຽນ​ຂັ້ນ ປ.1 ທົ່ວ​ປະ​ເທດ ຈະ​ເລີ່ມ​ສົກ​ຮຽນ​ໃໝ່ ພ້ອມ​ກັບ​ຊຸດ​ປຶ້ມ​ແບບ​ຮຽນ​ທີ່​ມີ​ສີ​ສັນ​ສວຍ​ງາມ​ຟ​ຣີ. ແລະ ຫ້ອງ​ຮຽນ​ຂອງ​ລັດ ຂັ້ນ​ ປ.1 ​ຈະ​ໄດ້​ຮັບ​ຊຸດ​ສື່​ການ​ສອນ​ຂອງ​ຄູ​ທຸກ​ຫ້ອງ ເຊິ່ງ​ພາຍ​ໃນ​ຊຸດ​ສື່​ການ​ສອນ​ນີ້​ຈະ​ປະ​ກອບ​ມີ ປຶ້ມ​ນິ​ທານ, ປຶ້ມ​ອ່ານ​ເສີມ​ທີ່​ເໝາະ​ສົມ​ຕາມ​ຂັ້ນ​ຮຽນ, ບັດ

​ຄຳ, ໂພ​ສ​ເຕີ້ ແລະ ບັນ​ທັດ​ແວ່ນ​ຂະ​ຫຍາຍ.

​          ສື່​ການ​ຮຽນ​ການ​ສອນ​ທັງ​ໝົດ ທີ່​ຈະ​ຖືກ​ຂົນ​ສົ່ງ​ໄປ​ເຖິງ 148 ​ເມືອງ​ຕ່າງໆ​​ມີ ປຶ້ມ​ແບບ​ຮຽນ 856,000 ຫົວ, ຄູ່​ມື​ຄູ 146,000 ຫົວ, ຄູ່​ມື​ການ​ຝຶກ​ອົບ​ຮົມ 16,600 ຫົວ ແລະ ຊຸດ​ສື່​ການ​ສອນ​ສຳ​ລັບ​ຂັ້ນ ປ.1 ຈຳ​ນວນ 9,000 ຊຸດ!

ຂະ​ບວນ​ລົດ​ຂົນ​ສົ່ງ ທີ່​ບັນ​ທຸກ​ສື່​ຝຶກ​ອົບ​ຮົມ​ສຳ​ລັບ​ຄູ ແລະ ສື່​ການ​ຮຽນ​ການ​ສອນ​ໄດ້​ເລີ່ມ​ຂົນ​ສົ່ງ​ແລ້ວ​ອາ​ທິດ​ນີ້. ໄລ​ຍະ​ເວ​ລາ​ໃນ​ການ​ຂົນ​ສົ່ງ​ຈະ​ດຳ​ເນີນ​ໄປຈົນ​ຮອດ​ກາງ​ເດືອນ​ກໍ​ລະ​ກົດ ໂດຍຄຽງ​ຄູ່​ກັບ​ຕະ​ຕາ​ລາງ​ການ​ຝຶກ​ອົບ​ຮົມ​ຄູ. ​ບັນ​ດາເມືອງ​ບຸ​ລິ​ມະ​ສິດ​ ໃນ​ການ​ຂົນ​ສົ່ງ​ນີ້

ແມ່ນ​ບັນ​ດາ​ເມືອງ​ທີ່​ຫົນ​ທາງ​ເຂົ້າ​ເຖິງ​ຍາກ ເຊິ່ງ​ມີ​ຄວາມ​ທ້າ​ທາຍຫຼາຍ​ສຳ​ລັບ​ການ​ຂົນ​ສົ່ງ​ເນື່ອງ​ຈາ​ກ​ຊ່ວງ​ນີ້​ແມ່ນ​ລະ​ດູ​ຝົນ, ໂດຍ​ສະ​ເພາະ​ແມ່ນ​ການ​ຂົນ​ສົ່ງ​ທີ່​ຢູ່​ຫ່າງ​ໄກ​ສອ​ກ​ຫຼີກ ແລະ ເຂດ​ທີ່​ມີພູ​ຫຼາຍ​ຂອງ​ປະ​ເທດ.

ບັນ​ດາ​ເມືອງ ແລະ ໂຮງ​ຮຽນ​ຕ່າງໆ ຈະ​ຈັດ​ແຈງ​ແຈກ​ຢາຍ​ປຶ້ມ​ແບບ​ຮຽນ ແລະ ຊຸດສື່​ການ​ສອນ​ຂອງ​ຄູ​ໃຫ້​ແກ່​ທຸກ​ໂຮງ​ຮຽນ​ປະ​ຖົມ​ສຶກ​ສາ​ຂອງ​ປະ​ເທດ ແລະ ເພື່ອ​ຮັບ​ປະ​ກັນ​ວ່າ​ສື່​ການ​ຮຽນ​ການ​ສອນ​ຈະ​ຮອດ​ທັນ​ເວ​ລາ​ກັບ​ມື້​ເປີດ​ສົກ​ຮຽນ​ໃໝ່​ໃນ​ເດືອນ​ກັນ​ຍາ​ນີ້. ໂຮງ​ຮຽນ​ຈະ​ໃຊ້​ທຶນ​ຊ່ວຍ​ເຫຼືອ​ລ້າ​ຂອງ​ໂຮງ​ຮຽນ​ໃນ​ການ​ສົ່ງ ຫຼື ມອບ​ຕໍ່​ສື່​ການ​ຮຽນ​ການ​ສອນ​ນີ້.