Menu

ການຜະລິດວິດີໂອສັ້ນ ເພື່ອຊ່ວຍຄູສອນຊັ້ນປະຖົມ ນຳໃຊ້ຫຼັກສູດສະບັບປັບປຸງໃໝ່ ແລະ ເທັກນິກການເນັ້ນການປະຕິບັດຕົວຈິງ ໄດ້ເລີ່ມການຖ່າຍທຳແລ້ວ.

Making of Teacher Dev Videos (1)

Making of Teacher Dev Videos (2)

Making of Teacher Dev Videos (3)

Making of Teacher Dev Videos (4)

ຫຼັກ​ສູດ ​ຂັ້ນ ປ.1 ສະ​ບັບ​ປັບ​ປຸງ​ໃໝ່ ຈະ​ຈັດ​ຕັ້ງ​ປະ​ຕິ​ບັດ​ໃນ​ສົກ​ຮຽນ 2019-2020. ການ​ປັບ​ປຸງ​ດັ່ງ​ກ່າວ ສະ​ແດງ​ເຖິງ​ການ​ປ່ຽນ​ແປງ​ທີ່​ສຳ​ຄັນ​ສຳ​ລັບ​ຄູ, ໂດຍ​ສະ​ເພາະ​ແມ່ນ ການ​ສົ່ງ​ເສີມ​ການ​ຮຽນ​ຮ່ວມ. ເພື່ອ​ສະ​ໜັບ​ສະ​ໜູນ​ຄູ​ສອນ ແລະ ໃຫ​້​ກຽມ​ພ້ອມ​ຕໍ່​ທັກ​ສະ​ທີ່​ຈຳເປັນ ເພື່ອ​ສົ່ງ​ຕໍ່ຫຼັກ​ສູດ​ສະ​ບັບ​ປັບ​ປຸງ​ໃໝ່​ຢ່າງ​ສຳ​ເລັດ​ໃນ​ຫ້ອງ​ຮຽ​ນ. ກະ​ຊວງ​ສຶກ​ສາ​ທິ​ການ ແລະ ກີ​ລາ ແຫ່ງ ສ​ປ​ປ ລາວ, ໂດຍ​ການ​ສະ​ໜັບ​ສະ​ໜູນ​ຈາກ​ລັດ​ຖະ​ບານ​ອົດ​ສະ​ຕ​ຣາ​ລີ ແລະ ສະ​ຫະ​ພາບ​ເອີ​ຣົບ ໂດຍ​ຜ່ານ ແຜນ​ງານ​ບີ​ຄວາ, ໄດ້​ອອກ​ແບບ​ກິດ​ຈະ​ກຳ​ທີ່​ຫຼາກ​ຫຼາຍ ເຊັ່ນ​ວ່າ ການ​ຝຶກ​ອົບ​ຮົມ​ແບບ​ເຊິ່ງ​ໜ້າ, ການ​ຮຽນ​ຮູ້​ແບບ​ເພື່ອນ​ສອນ​ເພື່ອນ ແລະ ສື່​ການ​ຮຽນ​ດ້ວຍ​ຕົນ​ເອງ ລວມ​ທັງ ວິ​ດີ​ໂອ​ສຳ​ລັບ​ການ​ພັດ​ທະ​ນາ​ຄູ.

​ຈູ​ດ​ປະ​ສົງ ໃນ​ການ​ຜະ​ລິດ​ວິ​ດີ​ໂອ​ແມ່ນ​ເພື່ອ​ສະ​ໜອງ​ສື່​ເພິ້ມ​ເຕີມ ສຳ​ລັບ​ຄູ​ ເພື່ອ​ຊ່ວຍ​ໃຫ້​ເຂົາ​ເຈົ້າ​ພັດ​ທະ​ນາ ທັກ​ສະ​ໃນ​ການ​ນຳ​ໃຊ້​ຫຼັກ​ສູດ​ສະ​ບັບ​ປັບ​ປຸງ​ໃໝ່ ພາຍ​ຫຼັງ​ການ​ຝຶກ​ອົບ​ຮົມ​

ເບື້ອງ​ຕົ້ນ. ວິ​ດີ​ໂອ​ນີ້​ສາ​ມາດ​ເຂົ້າ​ເບິ່ງ​ທາງ​ອອນ​ລາຍ ສຳ​ລັບ​ຄູ ເພື່ອ​ຮຽນ​ຮູ້​ເທັກ​ນິກ​ການ​ສອນ​ແບບ​ໃໝ່ ແລະ ເພື່ອ​ເບິ່ງ​ຄືນ​ຫົວ​ຂໍ້​ທີ່​ສຳ​ຄັນ​ທີ່​ໄດ້​ປຶກ​ສາ​ຫາ​ລື​ໃນ​ການ​ຝຶກ​ອົບ​ຮົມ​ແບບ​ເຊິ່ງ​ໜ້າ​. ວິ​ດີ​ໂອ​ໃໝ່​ຈະ​ເພີ້ມ​ເຂົ້າ​ໃນ​ຫົວ​ຂໍ້​ການ​ພັດ​ທະ​ນາ​ຄູ​ທີ່​ກ່ຽວ​ຂ້ອງ. ວິ​ດີ​ໂອ​ຈະ​ສະ​ແດງ​ເຖິງວິ​ທີ​ການ​ສອນ​ແບບ​ໃໝ່ ທີ່​ລະ​ບຸ​ຢູ່​ໃນ​ຄູ່​ມື​ຄູ​ ສຳ​ລັບ ວິ​ຊາ​ຮຽນ ຂັ້ນ ປ.1 ແບບ​ໃໝ່. ບັນ​ດາ​ຫົວ​ຂໍ້​ຕ່າງໆ ລວມ​ມີ ການ​ຈັດ​ຫ້ອງ​ຮຽນ, ການ​ປະ​ເມີນ, ການ​ຮຽນ​ຮູ້​ແບບ​ລວມ, ການ​ພັດ​ທະ​ນາ​ຢ່າງ​ມີ​ອາ​ຊີບ, ການ​ນຳ​ໃຊ້​ສື່​ການ​ສອນ, ເທັກ​ນິກ​ການ​ສົ່ງ​ເສີມ​ການ​ຮຽນ​ຮູ້ ແລະ ຫົວ​ຂໍ້​ອື່ນໆ.

ແຕ່​ລະ​ວິ​ດີ​ໂອ​ຈະ​ມີ​ຄວາມ​ຍາວ 5 ນາ​ທີ ແລະ ມີ​ໂຄງ​ສ້າງ​ທີ່​ໃຫ້​ຜູ້​ເບິ່ງ​ສາ​ມາດ​ເຂົ້າ​ໃຈ​ ແລະ ເຂົ້າ​ເຖິງ​ຂໍ້​ມູນ​ໄດ້​ງ່າຍ. ພາກ​ທຳ​ອິດ ຂອງ​ແຕ່​ລະ​ວິ​ດີ​ໂອ​ຈະ​​ນຳ​ສະ​ເໜີ ​ຫຼັກ​ການ​ກາ​ນສົ່ງ​ເສີມການ​ຮຽນ​ຮ່ວມ; ພາກ​ຕໍ່​ໄປ​ແມ່ນ​ການ​ນຳ​ສະ​ເໜີຕາມ​ດ້ວຍ​ຫົວ​ຂໍ້​ສະ​ເພາະ​ຂອງວິ​ດີ​ໂອ, ອຸ​ປະ​ກອນ​ທີ່​ຕ້ອງ​ການ ແລະ ເທັກ​ນິກ​ການ​ສອນ​ຕົວ​ຈິງ. ໃນ​ຕອນ​ທ້າຍ​ຂອງແຕ່​ລະ​ວິ​ດີ​ໂອ ຈະ​ນຳ​ສະ​

ເໜີ ເທັກ​ນິກ​ທີ່​ສຳ​ຄັນ​ທີ່​ໄດ້​ຮຽນ​ຮູ້.

ຫ້າ​ວິ​ດີ​ໂອ​ທຳ​ອິດ ແມ່ນ​ກຳ​ລັງ​ຖ່າຍ​ທຳ ແລະ ທີມ​ງານ​ຖ່າຍ​ທຳ​ວິ​ດີ​ໂອ ພ້ອມ​ກັບ​ຜູ້​ຊ່ຽວ​ຊານ ຈາກ ສະ​ຖາ​ບັນຄົ້ນ​ຄວ້າ​ວິ​ທະ​ຍາ​ສາດ ການ​ສຶກ​ສາ ແລະ ແຜນ​ງານ​ບີ​ຄວາ ໄດ້​ຖ່າຍ​ທຳ​ອາ​ທິດ​ແລ້ວ​ນີ້ ໃນ​ຮູບບ​ແບບ​ຫ້ອງ​ຮຽນ​ຊັ້ນ​ປະ​ຖົມ​ຕົວ​ຈິງ. ວິ​ດີ​ໂອ​ທຳ​ອິດ​ຈະ​ສະ​ແດງ​ໃຫ້​ເຫັນ​ການ​ຈັດ​ຫ້ອງ​ ນອກ​ຫ້ອງ​ຮຽນ ພ້ອມ​ກັບ​ຕົວ​ຢ່າງ ວິ​ຊາ​ວິ​ທະ​ຍາ​ສາດ ຂັ້ນ ປ.1 ເພື່ອ​ສັງ​ເກດ​ສັດ​ໃກ້​ໂຮງ​ຮຽນ; ວິ​ດີ​ໂອ​ທີ​ສອງ​ຈະ​ເນັ້ນ ເທັກ​ນິກ​ການປະ​ເມີນ​ການ​ຮຽ​ນແບບ​ໃໝ່​ໂດຍ​ການ​ນຳ​ໃຊ້ການ​ໃຫ້​ຄະ​ແນນ​ແບບ​ລູ​ບິກ ເຊັ່ນ​ດຽວ​ກັບ​ຊົ່ວ​ໂມງ​ຮຽນ​ວິ​ທະ​ຍາ​ສາດ ​ໃນ​ການ​ເຮັດ​ທ່າ​ຄ້າຍ​ຄື​ສັດ​ທີ່​ພວກ​ເຂົາ​ເຫັນ​ນອກ​ຫ້ອງ​ຮຽນ ໃນ​ຂະ​ນະ​ທີ່​ຄູກໍ່​ປະ​ເມີນ​ຜູ້​ຮຽນ​ຮູ້.

ວິ​ດີ​ໂອ​ທຳ​ອິດ ສາ​ມາດ​ຮັບ​ຊົມ​ໄດ້​ໃນ​ເດືອນ​ກໍ​ລະ​ກົດ 2019 ແລະ ສາ​ມາດ​ເບິ່ງ​ຜ່ານ​ຊ່ອງ​ທາງ​ຢູ​ທູບ “ວິດີໂອສໍາລັບການພັດທະນາຄູ Teacher Development Videos”. ຢ່າ​ລືມ​ຕິດ​ຕາມ​ເດີ້!