Menu
National Primary Curriculum

ຮັບປະກັນວ່າຄູ ແລະ ນັກຮຽນ ສາມາດເຂົ້າເຖິງ ແລະ ນຳໃຊ້ສື່ການຮຽນການສອນທີ່ມີຄຸນນະພາບ.

001National primary curriculumm1

ທົດລອງນຳໃຊ້ຫຼັກສູດຂັ້ນ ປ.1

002National primary curriculum2

ເດັກກຳລັງຮຽນພາສາລາວຢູ່ໂຮງຮຽນເຂດຫ່າງໄກສອກຫຼີກແຫ່ງໜື່ງ

ແຜນ​ງານ​ບີ​ຄວາ​ສະ​ໜັບ​ສະ​ໜູນ​ກະ​ຊວງ​ສຶກ​ສາ​ທິ​ການ ແລະ ກິ​ລາ​ໃນ​ການ​ພັດ​ທະ​ນາຫຼັກ​ສູດ​ຊັ້ນປ​ະ​ຖົມ​ສຶກ​ສາສະ​ບັບ​ປັບ​ປຸງ​ໃໝ່ ໂດຍ​ນຳ​ໃຊ້​ສື່​ການ​ຮຽນ​ການ​ສອນ​ທີ່​ຍົກ​ສູງຄວາມ​ສະ​ເໝີພາບທາງ​ດ້ານ​ບົດ​ບາດ​ຍິງ​ຊາຍ ແລະ ມີ​ກຸ່ມ​ຄົນ​ດ້ອຍ​ໂອ​ກາດຫຼາຍຂຶ້ນ. ວິ​ທີ​ການ​ສອນ​ແບບ​ໃໝ່ແມ່ນ​ອິງ​ໃສ່​​ສະ​ມັດ​ຖະ​ພາບດ້ານ​ການ​ຮຽນ​ຮູ້​ຂອງ​ນັກ​ຮຽນ ແລະ ເອົາ​ນັກ​ຮຽນ​ເປັນ​ໃຈ​ກາງ. ການ​ປັບ​ປຸງ ແລະ ພັດ​ທະ​ນາປຶ້ມ​ແບບ​ຮຽນ ແລະ ຄູ່​ມື​ຄູ່​ ແມ່ນ​ນຳ​ພາ​ໂດຍ​ສະ​ຖາ​ບັນ​ຄົ້ນ​ຄວ້າ​ວິ​ທະ​ຍາ​ສາດ​ການ​ສຶກ​ສາ ໂດຍ​ໄດ້​ຮັບ​ການ​ຊ່ວຍ​ເຫຼືອ​ທາງ​ດ້ານ​ເຕັກ​ນິກ​ຈາກ​ແຜນ​ງານ​ບີ​ຄວາ.

ການ​ຈັດ​ຕັ້ງ​ປະ​ຕິ​ບັດຫຼັກ​ສູດ​ຊັ້ນ​ປະ​ຖົມ​ສຶກ​ສາສະ​ບັບ​ປັບ​ປູງ​ໃໝ່ ຈະເລິ່ມ​ເທື່ອ​ລະ​ຂັ້ນ​ຮຽນຕໍ່​ປ​ີ ​ເລິ່ມຈາກ​ຂັ້ນ ປ.1 ໃນ​ເດືອນ​ກັນ​ຍາ 2019.

ກິ​ດຈະ​ກຳຫຼັກ​ປະ​ກອບ​ມີ:

  • ການ​ປັບ​ປຸງໂຄງ​ຮ່າງຫຼັກ​ສູດຊັ້ນ​ປະ​ຖົມ​ສຶກ​ສາ, ຫຼັກ​ສູດ​ວິ​ຊາ ແລະ ສື່​ການ​ຮຽນ​ການ​ສອນ ລວ​ມ​ທັງ​ການ​ໂຄງ​ການທົດ​ລອງການ​ເວົ້າ​ພາ​ສາ​ລາວ ໃນ ຂັ້ນ ປ.1-ປ.2.
  • ການ​ຊອກ​ຫາ ແລະ ການສ້າງ​ຄວາມ​ເຂັ້ມ​ແຂງ​ໃຫ້​ແກ່​ນັກ​ພັດ​ທະ​ນາຫຼັກ​ສູດ​ຈາກ​ສະ​ຖາ​ບັນ​ຄົ້ນ​ຄວ້າ​ວິ​ທະ​ຍາ​ສາດ​ການ​ສຶກ​ສາ ໃນ​ກາ​ນ​ພັດ​ທະ​ນ​າຫຼັກ​ສູດ​ ແລະ ສື່​ການ​ຮຽນ​ການ​ສອນຊັ້ນ​ປະ​ຖົມ​ສຶກ​ສາ.
  • ການ​ຜະ​ລິດ, ການ​ຈັດ​ພິມ ແລະ ການ​ແຈກຢາຍ​ປື້ມ​ແບບ​ຮຽນ ແລະ ຄູ່​ມື​ຄູ ຊັ້ນ​ປະ​ຖົມ​ສຶກ​ສາ. ໂຮງ​ຮຽນ​ປະ​ຖົມ ຈຳນ​ວນ 8.600 ແຫ່ງ​ ໃນ ສ​ປ​ປ ລາວ ຈະໄດ້​ຮັບ​ຊຸດ​ປຶ້ມ​ແບບ​ຮຽນ 1 ຊຸດ ຕໍ່​ນັກ​ຮຽນ 1 ຄົນ  ຕໍ່ຂັ້ນ​ຮຽນ ແລະ ຊຸດ​ຄູ່​ມື​ຄູ​ສຳ​ລັບທຸກວິ​ຊາໃນ​ຂັ້ນ​ປະ​ຖົມ​ສຶກ​ສາ.

  • ຜະ​ລິດ ແລະ ແຈກ​ຢາຍ​ຊຸດ​ອຸປະ​ກອນ​​ສຳ​ລັບ​ຄູ ເພື່ອ​ນຳ​ໃຊ້​ໃນ​ຫ້ອງ​ຮຽນ ລວມ​ທັງ​ສື່​ການ​ສຶກ​ສາ ເຊັ່ນ: ປຶ້ມ​ນິ​ທານ, ​ປຶ້ມ​ອ່ານ​ເສີມ​ທ​ີ່​ເໝາະ​ສົມ​ຕາມ​ຂັ້ນ​ຮຽນ, ໂປສະ​ເຕີ ແລະ ບັດ​ຄຳ​ສັບ.
  • ການສ້າງ​ຄວາມ​ເຂັ້ມ​ແຂງ​ໃຫ້​ແກ່ກະ​ຊວງສຶກ​ສາ​ທິ​ການ ແລະ ກິ​ລາ ໃນ​ການ​ຕິດ​ຕາມ ແລະ ເຂົ້າ​ເຖິງ​ການ​ອອກ​ແບບ ແລະ ຄຸນ​ນະ​ພາບ​ຂອງ​ອຸ​ປະ​ກອນ​ການ​ຮຽນ​ການ​ສອນ​ໃນຫຼັກສູດ​ສະ​ບັບ​ປັບ​ປຸງ​ໃໝ່.

 

BEQUAL