Menu
teacher education

ການຈັດຝຶກອົບຮົມ ແລະ ການສະໜັບສະໜູນຄູ ເພື່ອເຮັດໃຫ້ຄູສາມາດຊ່ວຍເຫຼືອນັກຮຽນ ໃຫ້ຮຽນໄດ້ດີຂຶ້ນ.

005Teacher education

ຄູຂັ້ນປະຖົມກຳລັງຝຶກຊ້ອມການສອນທີ່ໃຫ້ນັກຮຽນ ຮຽນຈາກການປະຕິບັດຕົວຈິງ

006Teacher education

ຄູສອນຢູ່ວິທະຍາໄລຄູ ທີ່ໄດ້ຮັບທຶນການສຶກສາລະດັບປະລິນຍາໂທ

ແຜນ​ງານ​ບີ​ຄ​ວາສະ​ໜັບ​ສະ​ໜູນ​ກະ​ຊວງ​ສຶກ​ສາ​ທິ​ການ ແລະ​ ກິ​ລາ ໃນ​ການ​ປັບ​ປຸງ​ການ​ຝຶກ​ອົບ​ຮົມ​ນັກ​ຮຽນ​ຄູ​ ແລະ ຄູ​ປະ​ຈຳ​ການຊັ້ນ​ປະ​ຖົມ​ສຶກ​ສາ ເພື່ອ​ປັບ​ປຸງ​ຜົນ​ການ​ຮຽນ​ຂອງ​ນັກຮຽນ​ຊັ້ນປະ​ຖົມໃຫ້​ດີ​ຂຶ້ນ. ແຜນ​ງານ​ບີ​ຄວາ ​ຮ່ວມມື​ກັບ​ກົມ​ສ້າງ​ຄູ, ກົມສາ​ມັນ​ສຶກ​ສາ, ວິ​ທະ​ຍາ​ໄລ​ຄູ 8 ແຫ່ງ, ສູນພັດ​ທະ​ນາ​ຄູ ແລະ ສະ​ຖາ​ບັນຄົ້ນ​ຄວ້າ​ວິ​ທະ​ຍາ​ສາດ​ການ​ສຶກ​ສາ ໃນ​ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ການ​ຝຶກອ​ົບ​ຮົມ​ຫຼັກ​ສູດ​ສ້າງຄູ​ຊັ້ນ​ປະ​ຖົມ ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ຄູ​​ສອນ​ຢູ່​ວິ​ທະ​ຍາ​ໄລ​ຄູ. ໄດ້​ມີ​ການ​ເນັ້ນ​ໃສ່​​ການ​ຝຶກ​ອົບ​ຮົມຫຼັກ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງ​ໃໝ່​ໃຫ້​ແກ່​ຄູ​ປະ​ຈຳ​ການ ແລະ ມີ​ຄວ​າມ​ສອດ​ຄ່ອງ​ກັບຫຼັກ​ສູດ​ສ້າງຄູ​ປະ​ຖົມ ແລະ ຫຼັ​ກ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງ​ໃໝ່.

ກິດ​ຈະ​ກຳຫຼັກ​ປະ​ກອບ​ມີ:

  • ການ​ຈັດ​ຝຶກ​ອົບ​ຮົມ​ຄູ​ປະ​ຈຳ​ການ ກ່ຽວ​ກັບ ຫຼັກ​ສູດ​ປະ​ຖົມ​ສຶກ​ສາ ສະ​ບັບ​ປັບ​ປຸງ​ໃໝ່, ລວມ​ທັງ​ການ​ພັດ​ທະ​ນາ​ສື່​ການ​ຝຶກ​ອົບ​ຮົມ, ການ​ສ້າງ​ທີມ​ຄູ​ຝຶກຫຼັກ​ແຫຼ່ງ ແລະ ຄູ​ຝຶກ​ປະ​ຈຳ​ແຂວງ​​ໃຫ້​​ຄວາມ​ພ້ອມ ແລະ ການ​ສ້າງ​ລະ​ບົບ​ຊ່ວຍ​ເຫຼືອ​ແຂວງ ແລະ ເມືອງ​ເປົ້າ​ໝາຍ.
  • ການ​ພັດ​ທະ​ນາ ແລະ ແຈກ​ຢາຍ​ສື່​ການ​ຝຶກ​ອົບ​ຮົມ​ຄູ​ປະ​ຈຳ​ການ ທີ່​ເຊື່ອມ​ກັບຫຼັກ​ສູດ​ສະ​ບັບ​ປັບ​ປຸງ​ໃໝ່ ເພື່ອ​ເຮັດ​ໃຫ້​ຄູ​ຊັ້ນ​ປະ​ຖົມ​ທຸກ​ຄົນນຳ​ໃຊ້ຫຼັກ​ສູດ​ຊັ້ນ​ປະ​ຖົມ​ສຶກ​ສາ ສະ​ບັບ​ປັບ​ປຸງ​ໃໝ່.
  • ການ​ປັບ​ປຸງ ແລະ ຈັດ​ຕັ້ງ​ປະ​ຕິ​ບັດຫຼັກ​ສູດ​ສ້າງ​ຄູຊັ້ນ​ປະ​ຖົມ​ສະ​ບັບ​ປັບ​ປຸງ​ໃໝ່. ຫຼັກ​ສູດນີ້​ແມ່ນ​ສອດ​ຄ່ອງ​ກັບຫຼັກ​ສູດ​ຊັ້ນ​ປະ​ຖົມ​ສຶກ​ສາ ສະ​ບັບ​ປັບ​ປຸງໃໝ່ຢ່າງ​ສະ​ໜິດ​ແໜ້ນ ລວມ​ທັງ​ວິ​ຊ​າ​ພາ​ສາ​ລາວ, ພາ​ສາ​ລາວ​ສຳ​ລັບ​ຜູ້​ທີ່ບໍ່​ເວົ້າ​ພາ​ສາ​ລາວ, ແລະ ການ​ຮຽນ​ຮ່ວມ.

  • ການ​ສ້າງ​ຂີດ​ຄວາມ​ສາ​ມາດ​ໃຫ້​ແກ່​ກະ​ຊວງ​ສຶກ​ສາ​ທິ​ການ ແລະ ກິ​ລາ ແລະ ວິ​ທະ​ຍາ​ໄລ​ຄູ ໃນ​ການ​ພັດ​ທະ​ນາມາດ​ຕະ​ຖານ​ການ​ສ້າງ​ຄູ ແລະ ການ​ສ້າງຫຼັກ​ສູດ.
  • ການສ້າງແຜນພັດ​ທະ​ນາ​ວິ​ຊາ​ຊີບ​ຄູ ສຳ​ລັບ​ຄູ​ສອນ​ຢູ່​ວິ​ທະ​ຍາ​ໄລ​ຄູ ເພື່ອ​ຊ່ວຍ​ໃຫ້​ພວກ​ເຂົາ​ສອນຫຼັກ​ສູດ​ສະ​ບັບ​ປັບ​ປຸງ​ໃໝ່ໃຫ້​ແກ່​ນັກ​ຮຽນ​ຢ່າງ​ມີ​ປະ​ສິດ​ຕິ​ພາບຫຼາຍ​ຂຶ້ນ ແລະ ໃຫ້​ທຶນ​ການ​ສຶກ​ສາແກ່ຄູ​ທີ່​ສອນ​ນັກ​ຮຽນ​ຄູ​ຊັ້ນ​ປະ​ຖົມ ເພື່ອ​ຍົກ​ລະ​ດັບ​ຄວາມ​ຮູ້​ຄວາມ​ສາ​ມາດ ໂດຍ​ສະ​ເພາະໃນ​ລະ​ດັບ​ປະ​ລິນ​ຍາ​ໂທ.
  • ການ​ຄັດ​ເລືອກ, ການ​ຝຶກ​ອົບ​ຮົມ ແລະ ການ​ໃຫ້​ນັກ​ຮຽນ​ຄູ​ຊົນ​ເຜົ່າ​​ສອນ​ຢູ່​ເຂດ​ຫ່າງ​ໄກ​ສອກຫຼີກ ໂດຍການ​ໃຫ້​ທຶ​ນການສຶກສາ​.

BEQUAL