Menu

ນັກຮຽນ ຂັ້ນ ປ.1 ທົ່ວປະເທດ ຈະເລີ່ມຕົ້ນສົກຮຽນໃໝ່ກັບຫຼັກສູດ ຂັ້ນ ປ.1 ສະບັບປັບປຸງໃໝ່ ໃນເດືອນກັນຍາ 2019. ຈູດປະສົງຊຸດຝຶກອົບຮົມແມ່ນເພື່ອໃຫ້ຄູ ຂັ້ນ ປ.1 ທົ່ວປະເທດ ມີທັກສະ ແລະ ເຕັກນິກທີ່ຈຳເປັນ ໃນການຈັດຕັ້ງປະຕິບັດ ຫຼັກສູດການຮຽນການສອນສະບັບປັບປຸງໃໝ່ ໃນຫ້ອງຮຽນຂອງເຂົາເຈົ້າ ທີ່ຫາກໍ່ເປີດສົກຮຽນ.

DSC_0945

DSC_0965

DSC_0626

DSC_0973

ທ່ານ ປອ ອ່ອນ​ແກ້ວ ນວນ​ນະ​ວົງ, ຜູ້​ອຳ​ນວຍ​ການ​ສະ​ຖານ​ບັນ​ຄົ້ນ​ຄວ້າ ວິ​ທະ​ຍາ​ສາດ​ການ​ສຶກ​ສາ (ສວ​ສ) ​ແລະ ທ່ານ ນາງ ເຈນ ຊານ​ເດີ, ຮອງ​ເອກ​ອັກ​ຄະ​ລັດ​ຖະ​ທູດ, ສະ​ຖານ​ທູດ​ອົດ​ສະ​ຕ​ຣາ​ລີ ປະ​ຈຳ ສ​ປ​ປ ລາວ ໄດ້​ກ່າວ​ເປີດ ຊຸດ​ຝຶກ​ອົບ​ຮົມ​ສຳ​ລັບ​ຄູ​ຝຶກ​ຫຼັກ​ແຫຼ່ງ ໃນ​ການ​ນຳ​ໃຊ້​ຫຼັກ​ສູດ​ການ​ຮ​ຽນ​ການ​ສອນ ຂັ້ນ ປ.1 ສ​ະ​ບັບ​ປັບ​ປຸງ​ໃໝ່ ຢ່າງ​ເປັນ​ທາງ​ການ ໃນ​ວັນ​ທີ 14 ພຶດ​ສະ​ພາ 2019 ເປັນ​ເວ​ລາ 10 ວັນ ໂດຍ​ມີ ຜູ້​ຊ່ຽວ​ຊານ ຈາກ ສ​ວ​ສ ​ແລະ ແຜນ​ງານ​ບີຄວາ ເຂົ້າ​ຮ່ວມ​ຝຶກໃຫ້ແກ່ຄູ​ຝຶກ​ຫຼັກ​ແຫຼ່ງຈຳ​ນວນ 60 ທ່ານ ກ່ຽວ​ກັບ​ເນື້ອ​ໃນ​ຂອງ​ຫຼັກ​ສູດ​ການ​ຮຽນ​ການ​ສອນ ຂັ້ນ ປ.1 ສະ​ບັບ​ປັບ​ປຸງ​ໃໝ່ ແລະ ສ້າງ​ຄວາມ​ເຂົ້າ​ໃຈ ແລະ ຄວາມ​ໝ​ັ້ນ​ໃຈ​ໃນ​ການ​ຝຶກ​ອົບ​ຮົມ​ແບບ​ນ້ຳ​ຕົກ​ຕາດ.

“ຫຼັກ​ສູດ​ສະ​ບັບປັບ​ປຸງ​ໃໝ່ ຈະ​ສະ​ແດງ​ໃ​ຫ້​ເຫັນ​ການ​ປ່ຽນ​ແປງ​ທີ່​ສຳ​ຄັນໃນ​ການຮຽນ​ການ​ສອນ “ກ່າວ​ໂດຍ ປອ ອ່ອນ​ແກ້ວ “ວິ​ທີ​ການ​ຮຽນ​ການ​ສອນ​, ການ​ເນັ້ນປະ​ຕິ​ບັດ​ຕົວ​ຈິງ,  ເປົ້າ​ໝາຍ​ເຫຼົ່າ​ນີ້​ແມ່ນ​ເພື່ອ​ຊ່ວຍ​ໃຫ້​ເດັກ​ນ້ອຍ​ຮຽນ​ໄດ້​ດີ​ຂຶ້ນ. ນັກ​ຮຽນ​ຈະ​ໄດ້​ຮຽນ​ຮູ້​ຜ່ານ​ປະ​ສົບ​ການ​ຈິງ. ນັກ​ຮຽນ​ຈະ​ຮຽນ​ໂດຍ​ການ​ມີ​ສ່ວນ​ຮ່ວມ​ໃນ​ຫ້ອງ​ຮຽ​ນ, ການ​ຮ່ວມ​ມ​ື​ເຊິ່ງກັນ ແລະ ກັນ, ການ​ມີ​ສ່ວນ​ຮ່ວມ​ກັບ​ສື່​ການ​ຮຽນ​ການ​ສອນ, ແລະ ການ​ທົດ​ລອງ​ຜ່ານ​ກິດ​ຈະ​ກຳ​ຕ່າງໆ. ການ​ປ່ຽນ​ວິ​ທີ​ການ​ສອນ ແລະ ຄູ​ຈະ​ຕ້ອງ​ມີ​ທັກ​ສະ​ທີ່​ຈຳ​ເປັນ​ ໃນ​ການ​ນຳ​ໃຊ້ ​ສື່​ການ​ຮຽນ​ການ​ສອນ. ຫຼັກ​ສູດ​ສະ​ບັບ​ປັບ​ປຸງ​ໃໝ່, ການ​ກະ​ກຽມ​ຂອງ​ຄູ​ຝຶກ ແລະ ຄວາມ​ເຂົ້າ​ໃຈ​ຂອງ​ເຂົາ​ເຈົ້າ​ກ່ຽວ​ກັບ​ຫຼັກ​ສູດ ຂັ້ນ ປ.1 ສະ​ບັບ​ປັບ​ປຸງ​ໃໝ່​ແມ່ນມີ​ຄວາມ​ສຳ​ຄັນ.


ນີ້​ແມ່ນ​ຈຸດ​ປະ​ສົງ​ຂອງ​ການ​ຈັດ​ຝຶກ​ອົບ​ຮົມ​ການ​ນຳ​ໃຊ້​ຫຼັກ​ສູດ ຊັ້ນ​ປະ​ຖົມ​ສຶກ​ສາ ຂັ້ນ ປ.1 ສະ​ບັບ​ປັບ​ປຸງ​ໃໝ່​ສຳ​ລັບ​ຄູ​ຝຶກ​ຫຼັກ​ແຫຼ່ງ​ໃນ​ມື້​ນີ້”

ການ​ຄັດ​ເລືອກຄູ​ຝຶກຫຼັກ​ແຫຼ່ງ ໃນ​ເດືອນ ຕຸ​ລາ 2018 ແມ່ນ​ໄດ້​ອີງ​ໃສ່​ປະ​ສົບ​ການ ແລະ ທັກ​ສະຂອງ​ເຂ​ົ​າ​ເຈົ້າ​ ແລະ ການ​ເຂົ້າ​ຮ່ວມກອງ​ປະ​ຊຸມ​​ພັດ​ທະ​ນາ​ຄວາມ​ຮູ້​ຄວາມ​ສາ​ມາດທັງສອ​ງ​ຄັ້ງ​ ໃນ​ເດືອນ​ທັນ​ວາ 2018 ແລະ ເດືອນ​ມັງ​ກອນ 2019. ​ຈຸດ​ປະ​ສົງ​ຂອງ​ກິດ​ຈ​ະ​ກຳການ​ກະ​ກຽມ​ເຫຼົ່າ​ນັ້ນ ແມ່ນ​ເພື່ອ​ເສີ​ມສ້າງ​ທັກ​ສະອຳ​ນວຍ​ຄວາມ​ສະ​ດວກໃຫ້​ຄູ​ຝຶກ​ຫຼັກ​ແຫຼ່ງ ແລະ ເພື່ອ​ຊ່ວຍ​ໃຫ້​ເຂົາ​ເຈົ້າ​ວາງ​ແຜນ ແລະ ສົ່ງ​ຕໍ່​ການ​ຝຶກ​ອົບ​ຮົມ​ທີ່​ມີ​ປະ​ສິດ​ຕິ​ພາບ.

​ໃນ​ການ​ “ຝຶກ​ອົບ​ຮົມການ​ນຳ​ໃຊ້​ຫຼັກ​ສູດ ຊັ້ນ​ປະ​ຖົມ​ສຶກ​ສາ ຂັ້ນ ປ.1 ສະ​ບັບ​ປັບ​ປຸງ​ໃໝ່​ສຳ​ລັບ ​ຄູ​ຝຶກ​ຫຼັກ​ແຫຼ່ງ“, ຄູ​ຝຶກ​ຫຼັກ​ແຫຼ່ງ ຈະ​ໄດ້​ຮຽນ​ຮູ້​ກ່ຽວ​ກັບ​ສື່​ການ​ຮຽນ​ການ​ສອນ ຂອງ​ຫຼັກ​ສູດ ຂັ້ນ​ ປ.1 ສະ​ບັບ​ປັບ​ປຸງ​ໃໝ່ ແລະ ມີ​ໂອ​ກາດ​ໄດ້​ສຶກ​ສາ, ໄດ້ລອງ ແລະ ​ຄິດ ກ່ຽວ​ກັບກິດ​ຈະ​ກຳ​ໃນ​ຫ້ອງ​ຮຽນທີ່​ຫຼາກ​ຫຼາຍ ​ທີ່​ເນັ້ນ​ການ​ປະ​ຕິ​ບັດ​ຕົວ​ຈິງ​. ການ​ຝຶກ​ອົບ​ຮົມ​ນີ້​ຈະ​ຊ່ວຍ​ໃຫ້​ຄຸ​ຝຶກ​ຫຼັກ​ແຫຼ່ງ​ມີ​ໂອ​ກາດ​​ຮຽນ​ຮູ້​ກ່ຽວ​ກັບ​ລະ​ບ​ົບ​ການ​ປະ​ເມີນ​ແບບ​ໃໝ່ ທີ່​ສ້າງ​ຂຶ້ນ​ໃນ​ຫຼັກ​ສູດ ແລະ ​​ວິ​ທີ​ທີ່​ຈະ​ຊ່ວຍ ​ຄູ​ສອນ​ໃນ​ການ​ນຳ​ໃຊ້ການ​ປະ​ເມີນ​ນີ້​ແນວ​ໃດ. ຄູ​ຝຶກ​ຫຼັກ​ແຫຼ່ງຍັງ​ຈະ​ກະ​ກຽມ​ເພື່ອ​ສົ່ງ​ຕໍ່ຂໍ້​ມູນສາ​ມ​ພາກ​​ ທີ່​ສ້າງ​ຂຶ້ນ​ສຳ​ລັບ​ຜູ້​ອຳ​ນວຍ​ການ ແລະ ຄູ​ສຶກ​ສາ​ນິ​ເທດ ​ໃນ​ການ​ສະ​ໜັບ​ສະ​ໜູນ​ຄູ​ສອນ​ ​ນຳ​ໃຊ້​ຫຼັກ​ສູດ​ການ​ຮຽນ​ການ​ສອນ ສະ​ບັບ​ປັບ​ປຸງ​ໃໝ່ ຕະ​ຫຼອດ​ສົກ​ຮຽນ.


ໃນ​ເດືອນ ມິ​ຖຸ​ນາ, ຄູ​ຝຶກ​ຫຼັກ​ແຫຼ່ງ​ຈະ​ເຮັດ​ການ​ຝຶກ​ອົບ​ຮົມ​ໃຫ້​ 18 ທີມ ແກ່​ຄູ​ຝຶກ​ປະ​ຈຳ​ແຂວງ​ຈຳ​ນວນ 611 ທ່ານ. ໃນ​ເດືອນ ກໍ​ລະ​ກົດ ແລະ ສິງ​ຫາ, ຄູ​ຝຶກ​ປະ​ຈຳ​ແຂວງ ຈະ​ຈັດ​ຝຶກ​ອົບ​ຮົມ​ແບບ​ເຊິ່ງ​ໜ້າ ເປັນ​ເວ​ລາ 6 ວັນ ໃຫ້​ແກ່ ຄູ​ສອນ​ຂັ້ນ ປ.1, ຜ​ູ້​ອຳ​ນວຍ​ການ​ໂຮງ​ຮຽນ​ຊັ້ນ​ປະ​ຖົມ ແລະ ຄູ​ສຶກ​ສາ​ນິ​ເທດ ໃນ 148 ເມືອງ ທົ່ວ​ປະ​ເທດ ຫຼາຍກວ່າ 16,000 ທ່ານ ແລະ ຮັບ​ປະ​ກັນ​ວ່າ ພວກ​ເຂົາ​ໄດ້​ຮັບ​ການ​ສະ​ໜັບ​ສະ​ໜູນ​ທີ່​ຈຳ​ເປັນ ​ໃນ​ລະ​ຫວ່າງ​ສົກ​ຮຽນ ​ເພື່ອ​ໃຫ້​ມີ​ການ​ປ່ຽນ​ແປງ​ທີ່​ສ້າງ​ສັນ​ໃນ​ຫ້ອງ​ຮຽນ.  ແລະ ໃນ​ເດືອນ ກັນ​ຍາ 2019, ນັກ​ຮຽນ ຫ້ອງ ປ.1 ທົ່ວ​ປະ​ເທດ  ຈະ​ໄດ້​ເລີ່ມ​ເປີດ​ສົກ​ຮຽນ​ໃໝ່​ພ້ອມ​ກັບ​ຫຼັກ​ສູດ​ສະ​ບັບ​ປັບ​ປຸງ​ໃໝ່ ແລະ ວິ​ທີ​ການ​ຮຽນ​ການ​ສອນ​ແບບ​ໃໝ່.

“​ສະ​ຖານ​ທູດ​ອົດ​ສະ​ຕ​ຣາ​ລີ, ໂດຍ​ການ​ສະ​ໜັບ​ສະ​ໜູນ​ຈາກ ສະ​ຫະ​ພາບ​ເອີ​ຣົບ ແລະ ອົງ​ການ USAID, ມີ​ຄວາມ​ພູມ​ໃຈ​ທີ່​ໄດ້​ຮ່ວມ​ງານ​ກັບ ສວ​ສ ແລະ ກະ​ຊວງ​ສຶກ​ສາ​ທິ​ການ ແລະ ກິ​ລາ ເພື່ອ​ສະ​ໜັບ​ສະ​ໜູນ​ການ​ສ້າງ​ຫຼັດ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັ​ບ​ປຸງ​ໃໝ່ ແລະ ການ​ຈັດ​ຕັ້ງ​ປະ​ຕິ​ບັດ​ຂອງ​ຕົນ” ກ່າວ​ໂດຍ ທ່ານ ນາງ ເຈນ ຊານ​ເດີ້. ”ການ​ວາງ​ແຜນ​ທີ່​ດີ, ການ​ຝຶກ​ອົບ​ຮົມ​ຄູ​ປະ​ຈຳ​ການ​ທີ່​ມີ​ຄຸ​ນະ​ພາບ​ແມ່ນ​ສຳ​ຄັນ​ຕໍ່​​ຜົນ​ສຳ​ເລັດ​ຂອງ​ຫຼັກ​ສູດ​ສະ​ບັບ​ປັບ​ປຸງ​ໃໝ່. ຂ້າ​ພະ​ເຈົ້າ​ຫວັງ​ວ່າ​ຈະ​ເຫັນ​ຜົນ​ໄດ້​ຮັບ​ທາງບວກ​ສຳ​ລັບ​ນັກ​ຮຽນ ແລະ ຄູ ເພາະ​ຫຼັກ​ສູດ​ສະ​ບັບ​ປັບ​ປຸງ​ໃໝ່ຈະ​ຈັດ​ຕ​ັ້ງ​ປະ​ຕິ​ບັດ​ທົ່ວ​ປະ​ເທດ​ຕະ​ຫຼອດ​ຫ້າ​ປີ​ຂ້າງ​ໜ້າ”