Menu

ມາຟັງເລື່ອງຂອງ ນຸງກູເລົາ, ຈືລີ, ແລະ ປໍຈູ ວ່າທຶນຊ່ວຍເຫຼືອຂະໜາດນ້ອຍ ຂອງກຸ່ມຄູ່ຮ່ວມພັດທະນາຂອງ ແຜນງານບີຄວາ ທີ່ເປັນອົງການຈັດຕັ້ງສາກົນ ທີ່ບໍ່ສັງກັດລັດຖະບານ ແລະ ການມີສ່ວນຮ່ວມຂອງຊຸມຊຸນຂອງພວກເຂົາ ໄດ້ຊ່ວຍໃຫ້ ພວກເຂົາກັບເຂົ້າຮຽນຄືນແນວໃດ.

VEDC_VDO_pic


ເຊັ່ນ​ດຽວ​ກັນ​ກັບ​ ນຸງ​ກູ​ເລົາ, ຈື​ລີ ແລະ ປໍ​ຈູ, ຍັງມີ​ເດັກ​ນ້ອຍຫຼາຍ​ຄົນ​ທີ່ບໍ່​ໄດ້​ເຂົ້າ​ໂຮງ​ຮຽນ; ພວກ​ເຂົາ​ບໍ່​ສາ​ມາດ​ອ່ານ ຫຼື ຂຽນ​ໄດ້, ​ແລະ ​ບໍ່​ສາ​ມາດ​ພັດ​ທະ​ນາ​ທັກ​ສະຊີ​ວິດ​ທີ່​ຈຳ​ເປັນໃນ​ການ​ເຂົ້າ​ສັງ​ຄົມ​ກັບ​ໝູ່​ເພື່ອນ​ທີ່ອາຍຸ​ເທົ່າ​ກັນໄດ້. ພ​ວກ​ເຂົາບໍ່​ໄດ້​ຮັບ​ການ​ກຽມພ້ອມ​ເພື່ອ​ອະ​ນາ​ຄົດ​ທີ່​ດີ​ຂຶ້ນສຳ​ລັບ​ພວກ​ເຂົາ ແລະ ຄອບ​ຄົວ​ຂອງ​ພວກ​ເຂົາ.

ກຸ່ມ​ຄູ່​ຮ່ວມ​ພັດ​ທະ​ນາ​ຂອງແຜນງານ​ບີ​ຄວາທີ່​ເປັນ​ອົງ​ການ​ຈັດ​ຕັ້ງ​ສາ​ກົນ​ທີ່ບໍ່​ສັງ​ກັດ​ລັດ​ຖະ​ບານ, ພາຍ​ໃຕ້​ການ​ສະ​ໜັບ​ສະ​ໜູນຈາກ​ລັດ​ຖະ​ບານ​ອົດ​ສະ​ຕ​ຣາ​ລີ ແລະ ສະ​ຫະ​ພາບ​ເອີ​ຣົບ ເຮັດ​ວຽກ​ຮ່ວມ​ກັບ​ລັດ​ຖະ​ບານລາວ ແລະ ຊຸມ​ຊົນ ໂດຍກາ​ນ​ໃຫ້​ກອງ​ທຶນ​ຊ່ວຍ​ເຫຼືອ​ຂະ​ໜາດນ້ອຍ​ຈຳ​ນວນ 4,000,000 ກີບ ໃຫ້​ແກ່ບ້ານ​ຫ່​າງ​ໄກສອກຫຼີກ ຈໍານວນ 171 ບ້ານ ເພື່ອ​ຊ່ວຍໃຫ້​ເດັກນ້ອຍໄດ້ເຂົ້າ​ໂຮງ​ຮຽນ ແລະ ​ຮຽນໄດ້ຫຼາຍ​ຂຶ້ນ.

ກອງ​ທຶນ​ຊ່ວຍ​ເຫຼືອ​ແມ່ນເພື່ອ​ນຳ​ໃຊ້​ເຂົ້າ​ໃນ​ກິດ​ຈະ​ກຳ​ທີ່​ຈະ​ຊ່ວຍ​ເດັກ​ທີ່ດ້ອຍ​ໂອ​ກາດ​ໃຫ້​ໄດ້ເຂົ້າ​ຮຽນ ແລະ ມີ​ສ່ວນ​ຮ່ວມ​ໃນ​ການ​ຮຽນ ແລະ ​ໄດ້ຮຽນຈົນຈົບ​. ກິດ​ຈະ​ກຳ​ຕ່າງໆຂອງ​ໂຄງ​ການນີ້ ແມ່ນ​ນຳ​ພາ ແລະ ຈັດ​ຕັ້ງ​ປະ​ຕິ​ບັດ​ໂດຍ​ຄະ​ນະ​ພັ​ດທະ​ນາ​ການ​ສຶກ​ສາ​ຂັ້ນ​ບ້ານ.

ເດັກ​ຍິງ ແລະ ເດັກ​ຊາຍ​ໝົດ​ທຸກ​ຄົນ ມີ​ສິດ​ໄດ້​ຮັບ​ການ​ສຶກ​ສາ​ທີ່​ມີ​ຄຸນ​ນະ​ພາບ ເພື່ອ​ເຮັດ​ໃຫ້​ພວກ​ເຂົາ​ມີ​ໂອ​ກາດໃນ​ຊີ​ວິດຫຼາຍ​ຂຶ້ນ​. ແຜນ​ງານ​ບີ​ຄວາ ໂດຍການຮ່ວມມື​ກັບ​ກະ​ຊວງ​ສຶກ​ສາ​ທິ​ການ ແລະ ກິ​ລາ ມີ​ເປົ້າ​ໝາຍ​ທີ່​ຈະ​ຊ່ວຍໃຫ້​ເດັກ​ນ້ອຍ​ປະ​ມານ 450,000 ຄົນ ໄດ້​ເຂົ້​າຮຽນ ແລະ ໄດ້​ຮັບການ​ສຶກ​ສາ​ທີ່​ມີ​​ຄຸນນ​ະ​ພາບ​ທີ່​ດີຂຶ້ນ​ໃນ​ລະ​ຫວ່າງ​ປີ 2015 ແລະ 2019.