Menu

ນັກຮຽນຈະມີສຸຂະພາບດີໄດ້ແນວໃດ ເມື່ອໂຮງຮຽນຂອງພວກເຂົາບໍ່ມີຫ້ອງນ້ຳ? ໃນວັນທີ 19 ພະຈິກ, ພວກເຮົາຈະສະເຫຼີມ ສະຫຼອງວັນຫ້ອງນ້ຳໂລກ. ແຜນງານປັບປຸງ ຄຸນນະພາບ ແລະ ຂະຫຍາຍໂອກາດ ເຂົ້າຮຽນສຳລັບການສຶກສາ ຂັ້ນພື້ນຖານ ຢູ່ ສປປ ລາວ (ແຜນງານບີຄວາ) ເຫັນເຖິງ ຄວາມສຳຄັນຂອງ ສີ່ງອຳນວຍຄວາມສະດວກ ໃນການມີນ້ຳໃຊ້ ແລະ ສຸຂະອະນາໄມທີ່ ເໝາະສົມຢູ່ໃນໂຮງຮຽນ. ໃນປີ ທີ່ຜ່ານມາ, ຫ້ອງນ້ຳຂອງໂຮງຮຽນປະຖົມທີ່ຢູ່ເຂດຫ່າງ ໄກສອກຫຼີກຈຳນວນ 389 ຫ້ອງ ໄດ້ຮັບການ ສ້ອມແປງ ຫຼື ປຸກສ້າງຂື້ນ ເພື່ອເຮັດ ໃຫ້ສຸຂະພາບ ແລະ ສະພາບແວດລ້ອມການ ຮຽນຂອງເດັກນ້ອຍດີຂື້ນຫຼາຍກວ່າເກົ່າ.

IMG_6519

ສະ​ມັດ​ຊາ​ໃຫຍ່​ອົງ​ກ​ານສະ​ຫະ​ປະ​ຊາ​ຊາດ ໄດ້​ກຳ​ນົດ​ໃຫ້​ວັນ​ທີ 19 ພະ​ຈິກ ເປັນ​ວັນ​ຫ້ອງ​ນ້ຳ​ໂລກ​ຢ່າງ​ເປັນ​ທາງ​ການ​ໃນ​ປີ 2013 ຊຶ່ງ​ມີ​ເປົ້າ​ໝາຍ​ເພື່ອຍົກ​ໃຫ້​​ເຫັນເຖິງຄວາມ​ສຳ​ຄັນ​ຂອງ​ການ​ມີ​ສຸ​ຂະອະ​ນາ​ໄມ​ທີ່​ເໝາະ​ສົມ​ທົ່ວ​ໂລກ.

ການເຂົ້າ​ເຖິງ​ສຸ​ຂະ​ອະ​ນາ​ໄມຂັ້ນ​ພື້​ນ​ຖານ​ມີ​​ຜົນ​ດີຢ່າງໃຫຍ່ຫຼວງ​ຕໍ່​ສຸ​ຂະ​ພາບ ແລະ ຊີ​ວິດ. ຢູ່ໂຮງ​ຮຽນ, ຫ້ອງ​ນ້ຳ​ຈະຊ່ວຍ​ໃຫ້​ນັກ​ຮຽນ​ມີ​ສຸ​ຂະ​ພາບ​ດີ, ຮຸ້​ສຶກ​ສະ​ບາຍ ແລະ ສາ​ມາດເອົາ​ໃຈ​ໃສ່ຕໍ່​ການຮຽນ​ຂອງ​ພວກ​ເຂົ​າ.

​ໂຮ​ງ​ຮຽນ​ປະ​ຖົມຢູ່​ເຂດ​ຊົນ​ນະ​ບົດ​ໃນປະເ​ທ​ດລາວ, ນັກ​ຮຽນ​ຕ້ອງ​​ຍ່າງກັບ​ບ້ານ ຫຼື ແລ່ນເຂົ້າປ່າເພື່ອ​ເຂົ້າ​ຫ້ອງ​ນ້ຳ. ​ ໄລ​ຍະ​ຫ່າງ​ຈາກ​ບ້ານ​ຫາ​ໂຮງ​ຮຽນ ​ໄດ້ເຮັດ​ໃຫ້​ນັກ​ຮຽນຈຳນວນໜຶ່ງ​ພົບ ຄວາມຫຍຸ້ງຍາກຫຼາຍທີ່ຈະກັບ​ຄືນມາ​ຮ​ຽນ ແລະ ສືບຕໍ່ ການຮຽນ ​ໜັງ​ສື. ສະ​ນັ້ນ, ຈື່ງເຮັດໃຫ້ນັກ​ຮຽນ​ບາງຄົນເສຍ​ຄວາມ​ຕັ້ງ​ໃຈໃນ​ການ​ໄປ​ໂຮງ​ຮຽນ ແລະ ຂາດ​ຮຽນ​ບາງວິ​ຊາ.

ໂດຍຜ່ານແຜນ​ງານ​ບີ​ຄວາ, ລັດ​ຖະ​ບານ​ອົດ​ສະ​ຕ​ຣາ​ລີ ແລະ ສະຫະພາບເອີຮົບ ໄດ້ໃຫ້ການສະໜັບສະໜູນແກ່ກະຊວງ ສຶກສາທິການ ແລະ ກິລາ ໃນການສ້ອມແປງຫ້ອງ​ນ້ຳຄືນໃໝ່ຢູ່ໂຮງ​ຮຽນ​ປະ​ຖົມຈຳ​ນວນ 389 ຫ້ອງ ຢູ່ 21 ເມືອງ​ທຸກ​ຍາກ​ທີ່ສຸດຂອງ​ແຂວງ​ຜົ້ງ​ສາລີ, ແຂວງ​ຫົວ​ພັນ, ແຂວງອຸ​ດົມ​ໄຊ, ແຂວງຫຼ​ວງ​ນ້ຳ​ທາ, ແຂວງ​ເຊກອງ ແລະ​ ແຂວງ​ອັດ​ຕະ​ປື. ສິ່ງ​ອຳ​ນວຍ​ຄວາມ​ສະ​ດວກພື້ນ​ຖານ​ເຫຼົ່າ​ນີ້ ຈະຊ່ວຍ​ສົ່ງ​ເສີມໃຫ້​ນັກ​ຮຽນຢາກ​ໄປ​ໂຮງ​ຮຽນ ແລະ ສຳ​ເລັດ​ການ​ສຶກ​ສາ​ຂອງ​ພວກ​ເຂົາ.

ນອກ​ຈາກ​ການສ້ອມແປງ​ຫ້ອງ​ນ້ຳ​ຢູ່​ໂຮງ​ຮຽນ​ປະ​ຖົມ​ແລ້ວ, ແຜນ​ງານ​ບີ​ຄວາ ​ກໍ່​ກຳລັງສ້ອມແປງສິ່ງ​ອຳ​ນວຍ​ຄວາມ​ສະ​ດວກ​ທາງ ດ້ານສຸ​ຂາ​ພິ​ບານ​ຢູ່​ວິ​ທະ​ຍາ​ໄລ​ຄູ ຊຶ່ງ​ເປັນ​ບ່ອນທີ່ນັກຮຽນຄູ ກຳລັງໄດ້ຮັບການຝຶກ​ອົບ​ຮົມ ເພື່ອທີ່ຈະເປັນ​ຄູສອນໃນອະນາ ຄົດ. ຢູ່ວິ​ທະ​ຍາ​ໄລ​ຄູຫຼ​ວງ​ນ້ຳ​ທາ ແລະ ສາ​ລະ​ວັນ, ສິ່ງ​ອຳ​ນວຍ​ຄວາມ​ສະ​ດວກ​ດ້ານ​ນ້ຳ ແລະ ສຸ​ຂະ​ອ​ະ​ນາ​ໄມໃໝ່​ກຳລັງຖືກນຳ​ໃຊ້; ຫ້ອງ​ອາບ​ນ້ຳ ແລະ ຫ້​ອງ​ນ້ຳ ​ແມ່ນ​ກຳ​ລັງກໍ່​ສ້າງ​ຢູ່​ວິ​ທະ​ຍາ​ໄລ​ຄູສະຫວັນນະເຂດ.

​ສິ່ງ​ທີ່​ສຳ​ຄັ​ນແມ່ນບັນດານັກຮຽນຄູ ຜູ້ທີ່ຈະເປັນ​ຄູ​ສອນໃນ ​ອ​ະ​ນາ​ຄົດໄດ້ມີຫ້ອງ​ນ້ຳທີ່ເໝາະສົມ ແລະ ສາມາດນຳໃຊ້ ສຸຂະອະນາ ໄມທີ່ດີເນື່ອງຈາກວ່າຄວາມຮູ້ເຫຼົ່ານີ້ ຈະຊ່ວຍພວກ ເຂົາໃນການ ເຜີຍແຜ່ຄວາມຮູ້ທາງດ້ານ ​ສຸຂະ ອະນາໄມໃຫ້​ແກ່​ນັກຮຽນ​​ໃນ​ອະ​ນາ​ຄົດ.

ແຜນ​ງານ​ບີ​ຄວາ ​ມີຄວາມມຸ້ງໝັ້ນ​ທີ່​ຈະສ້ອມແປງ​ຫ້ອງ​ນ້ຳຂອງ ໂຮງຮຽນປະຖົມສຶກສາອີກ 274 ຫ້ອງໃນໂຮງ​ຮຽນ​ໃນ​ອະ​ນາ​ຄົດ​ອັນ​ໃກ້ນີ້. ເປົ້າ​ໝາຍ​ຂອງ​ແຜນ​ງານ​ບີ​ຄວາ ແມ່ນ​ເພື່ອ​ໃຫ້ແນ່ ໃຈວ່າ​ນັກ​ຮຽນ ໂດຍ​ສະ​ເພາະ​ຜູ້ທີ່​ຢູ່​ເຂດດ້ອຍໂອກາດ ແລະ ເຂດ​ຫ່າງ​ໄກ​ສອກຫຼີກ ມີສະພາບແວດລ້ອມທີ່ປອດ​ໄພ, ສະ​ອາດ ແລະ ສະໜັບສະໜູນການຮຽນເພື່ອເຮັດໃຫ້ພວກເຂົາສາມາດສຳ​ເລັດ​ການ​ສຶກ​ສາ​ຂັ້ນ​ພື້​ນ​ຖານໄດ້. ສະນັ້ນ, ຫ້ອງ​ນ້ຳຈື່ງແມ່ນພາກ ສ່ວນໜຶ່ງໃນ​ການ​ສ້າງ​ແວດ​ລ້ອມທີ່ດີໃນການ​ຮຽນ​ດັ່ງ​ກ່າວນີ້!