Menu

ຄູຝຶກປະຈຳແຂວງຈາກ 18 ແຂວງ ກຳລັງເຂົ້າຮ່ວມຝຶກອົບຮົບພັດທະນາຂີດຄວາມສາມາດ ເພື່ອເສີມສ້າງທັກສະ ແລະ ຄວາມຮູ້ ກ່ຽວກັບ ການອຳນວຍຄວາມສະດວກ ແລະ ການຈັດຝຶກອົບຮົມຢ່າງມີປະສິດຕິພາບ.

PT Feb 2019 003

PT Feb 2019 001

PT Feb 2019 006

ການ​ຝຶກ​ອົບ​ຮົມ​ຄູ​ປະ​ຈຳ​ການ​ແມ່ນເປັນ​ສິ່ງ​ສຳ​ຄັນ ໃນ​ກະກຽມ​ຄວາມ​ພ້ອມ​ໃຫ້​ຄູສອນ​ຂັ້ນ​ປ.1 ໂດຍການເສີມ​ສ້າງ​ທັກ​ສະ  ແລະ ເຕັກ​ນິກ​ຕ່າ​ງໆ ທີ່​ຈຳ​ເປັນ ເພື່ອ​ໃຫ້​ຄູ​ສາ​ມາດ​ນຳ​ໃຊ້​ສື່​ການ​ຮຽນ​-ການ​ສອນ​ໃນຫຼັກ​ສູດຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງ​ໃໝ່ໄດ້​ຢ່າງ​ມີ​ປະ​ສິດ​ຕິ​ພາບ ແລະ ອັນ​ສຸດທ້າຍແ​ລ້ວ ກໍ່​ແມ່ນ​ເປັນ​ການ​ປັບ​ປຸງ​ຜົນ​ການ​ຮຽນ​ຂອງ​ນັກ​ຮຽນ. ໃນ​ເດືອນຕຸ​ລ​າ 2018, ທີມ​ງານ​ຄູ​ຝຶ​ກຫຼັກ​ແຫຼ່ງ​ຈຳ​ນວນ 60 ທ່ານ​ຈາກ​ທົ່ວ​ປະ​ເທດ ແລະ ຄູ​ຝຶກ​ປະ​ຈຳ​ແຂວງຈຳ​ນວນ 611 ທ່ານ ໄດ້​ຖືກ​ຄັດ​ເລືອກ​ໃຫ້​ສະ​ໜັບ​ສະ​ໜູນ​ການ​ຈັດ​ຕັ້ງ​ປະ​ຕິບ​ັດຫຼັກ​ສູດ​ຊັ້ນ​ປະ​ຖົມ​ສຶກ​ສາ​ສະ​ບັບ​ປັບ​ປຸງໃໝ່. ທີມ​ຄູ​ຝຶກ​ດັ່ງ​ກ່າວນີ້ ກຳ​ລັງ​​ເຮັດ​ກິດ​ຈະ​ກຳ​ກະ​ກຽມການ​ຝຶກ​ອົບ​ຮົມ ແລະ ຊ່ວຍ​ເຫຼືອ​ຄູ​ປະ​ຈຳ​ການ. ກິດ​ຈະ​ກຳ​ການ​ກະ​ກຽ​ມ​ຄູ​ຝຶກ ໄດ້​ເລິ່ມ​ຂຶ້ນ​ໃນ​ເດືອນ​ທັນ​ວາ 2018 ແລະ ເດືອນ​ມັງ​ກອນ 2019 ໂດຍ​ການ​ຝຶກ​ອົບ​ຮົມ​ຄູ​ຝຶກຫຼັກ​ແຫຼ່ງ 60 ທ່ານ ແບບ​ເລັ່ງ​ລັດ ເປັນ​ເວ​ລາ 2 ອາ​ທິດ. ຈຸດ​ປ​ະ​ສົງ​ຂອງກອງ​ປະ​ຊຸມ​ແມ່ນ​ເພື່ອ​ສ້າງ​ຂີ​ດ​ຄວາມ​ສາ​ມາດ​ໃຫ້ຄູ​ຝຶກຫຼັກ​ແຫຼ່ງ​ໃນ​ການ​ວາງ​ແຜນ ​ຝຶກ​ຄູ​ຝຶກ​ປະ​ຈຳ​ແຂວງ ແລ​ະ ເພື່ອ​ກຽມ​ຄວາມ​ພ້ອມ​ໃນ​ການ​ຈັດ​ຕັ້ງຝ​ຶກ​ອົບ​ຮົມ​ໃຫ້​ແກ່​ຄູ​ປະ​ຈຳ​ການໄດ້​ຢ່າງ​ມີ​ປະ​ສິດ​ຕິ​ພາບ.

ປະ​ຈຸ​ບັນ ຄູຝຶກຫຼັກ​ແຫຼ່ງກຳ​ລັງ​​ຝຶກ​ອົບ​ຮົມ​ແບບ​ດຽວ​ກັນນີ້ ໃຫ້​ແກ່ ຄູ​ຝຶກ​ປະ​ຈຳ​ແຂວງ​ ແລະ ນະ​ຄອນຫຼວງຈຳ​ນວນ 611 ທ່ານ ໂດຍ​ຜ່ານ​ການ​ຝຶກ​ອົບ​ຮົມ​ເປັນ​ໄລ​ຍະ​ເວ​ລາ 5 ວັນ​ໃນ​ທົ່ວ​ປະ​ເທດ.

ການ​ຝຶກ​ອົບ​ຮົມ​ແມ່ນ​ເປັນ​ການ​ເສີມສ້າງ​ທັກ​ສະ ແລະ ຄວາມ​ຮູ້​ຂອງ​ຄູ​ຝຶກ​ປະ​ຈຳ​ແຂວງ ແລະ ນະ​ຄອນຫຼວງລວມ​ທັງ​ກິດ​ຈະ​ກຳ ແລະ ເຕັກ​ນິດ​ຕ່າງໆ ເພື່ອ​ຊອກ​ຫາ​ຈຸດ​ແຂງ ແລະ ຄວາມ​ສາ​ມາດ​ຂອງ​ທີມ. ຜູ້​ເຂົ້າ​ຮ່ວມ​ໄດ້​ສ້າງ​ຄວາມ​ເຂົ້າ​ໃຈ ແລະ ສ້າງ​ທັກ​ສະຕ່າງໆ ທີ່​ຈຳ​ເປັນ ລວມ​ທັງ​ທັດສະ​ນະ​ຄະ​ຕິທີ່​ຈະ​ເປັນ​ຜູ້​ຝຶກ​ອົບ​ຮົມ​ທີ່​ດີ, ແລະ ​ສ້າງຄວາມ​ເຂົ້າໃຈກ່ຽວ​ກັບ​ບົດ​ບາດ​ໜ້າ​ທີ່ ແລະ ຄວາມ​ຮັບ​ຜິດ​ຊອບ​ໃນ​ນາມ​ເປັນ​ຄູ​ຝຶກ​ປະ​ຈຳ​ແຂວງ ແລະ ນະ​ຄອນຫຼວງຢ່າງ​ຈະ​ແຈ້ງ. ໃນ​ການ​ຝຶກ​ອົບ​ຮົມ​ແມ່ນ​ໄດ້​ນຳ​ໃຊ້.  ວິ​ດີ​ໂອ​ຊຶ່ງ​ເປັນກິດ​ຈະ​ກຳ​ການ​ສັງ​ເກດ​​ການ​ສາ​ທິດການ​ຮຽນ-​ການ​ສອນ ເຮັດ​ໃຫ້​ຜູ້​ເຂົ້າ​ຮ່ວມ​ເຂົ້າ​ໃຈສະ​ພາບແວດ​ລ້ອມ​ຫ້ອງຮຽນ​ຂັ້ນ​ປະ​ຖົມ ແລະ ສ​າ​ມາດ​ປຽບ​ທຽບຄວາມ​ແຕກ​ຕ່າງ​ຂອງ​ການ​ຮຽນ-​ການ​ສອນ​ຕາມຫຼັກ​ສູດ​ສະ​ບັບ​ທີ່​ໃຊ້ປະ​ຈຸ​ບັນ ແລະ ຫຼັກ​ສູດ​ປັບ​ປຸງ​ໃໝ່. ຈຸດ​ສຸມ​ຂອງ​ການ​ສ້າງ​ທັກ​ສະ​ການ​ອຳ​ນວຍ​ຄວາມ​ສະ​ດວກ​ໃຫ້​ແກ່​ຄູ​ຝຶກປະ​ຈຳ​ແຂວງ ແລະ ນະ​ຄອນຫຼວງ​ແມ່​ນການ​ຝຶກ​ຊ້ອມ​ການ​ຝຶກ​ອົບ​ຮົມ ໂດຍ​​ການ​ທົດ​ສອບ​ການ​ສົ່ງ​​ຄວາ​ມຮູ້​ຕາມ​ເນື້ອ​ໃນ​ຂອງ​ການ​ຝຶກ​ອົບ​ຮ​ົມ​ໃຫ້​ແກ່​ຜູ້​ເຂົ້າ​ຮ່ວມ.

ຄູ​ຝຶກ​ປະ​ຈຳ​ແຂວງ​ ແລະ ບົດ​ບາດມີ​ບົດ​ບາດ​ສຳ​ຄັນ​ໃນ​ການ​ເຮັດ​ໃຫ້​ການ​ຈັດ​ຕັ້ງ​ປະ​ຕິ​ບັດຫຼັກສູດ​​ສະ​ບັບ​ປັບ​ປຸງ​ໃໝ່ ໂດຍ​ຜ່ານກ​ານ​ຝຶກ​ອົບ​ຮົມ​ແບບ​ຕົວ​ຕໍ່​ຕົວ ໃຫ້​ແກ່​ຄູ​ຂັ້ນ ປ. 1, ຜູ້ອຳ​ນວຍ​ການ​ໂຮງ​ຮຽນ​ປະ​ຖົມ, ແລ​ະ ຄູສຶກ​ສາ​ນິ​ເທດ ຈຳ​ນວນຫຼາຍ​ກວ່າ 16,000 ທ່ານ ​ຊຶ່ງກອງ​ປະ​ຊຸມ​ຝຶກ​ອົບ​ຮົມ​ດັ່ງ​ກ່າວ​ຈະ​ໄດ້​ຈັດ​ຂຶ້ນໃນເ​ດືອນ​ກໍ​ລະ​ກົດ ແລະ ເດືອນ​ສິງ​ຫາ 2019.