Menu

ເພື່ອເປັນສ່ວນໜຶ່ງໃນການສະເຫຼີມສະຫຼອງວັນແມ່ຍິງສາກົນ, ທີມງານບໍລິສັດຄອຟຟີ່ປະຈຳ ສປປ ລາວ ໄດ້ຮັບຟັງການນຳສະເໜີເລື່ອງ ແລະ ຮັບປະທານອາຫານທ່ຽງ ຮ່ວມກັບຜູ້ສ້າງແຮງບັນດານໃຈ 2 ທ່ານ ຊຶ່ງເປັນຜູ້ມີບົດບາດໃນການຊ່ວຍເຫຼືອກຸ່ມຄົນທີ່ມີຄວາມອ່ອນແອ ແລະ ກຸ່ມຄົນດ້ອຍໂອກາດ.

BQ_IWD2019_2

BQ_IWD2019_1

BQ_IWD2019_3

ໃນ​ວັນ​ທີ 6 ມີ​ນາ 2019 ທ​ີ່​ຜ່ານ​ມາ ແຜນ​ງານ​ບີ​ຄວາ, ສະ​ຖາ​ບັນ​ລາວ-​ອົດ​ສະ​ຕ​ຣ​າ​ລີ ແລະ ທີ​ມງານຮັບ​ຜິດ​ຊອບ​ວຽກ​ງານ​ການ​ສຶກ​ສາຂອງ​ສະ​ຖາ​ນ​ທູດ​ອົດ​ສະ​ຕ​ຣ​າລີ ໄດ​້​ເຂົ້າ​ຮ່ວມ​ການ​ຮັບ​ປະ​ທານ​ອາ​ຫານ​ທ່ຽງພິ​ເສດ ເພື່ອ​ສະ​ເຫຼີມ​ສະຫຼອງວັນ​ແມ່​ຍິງ​ສາ​ກົນ ໂດຍ​ມີ​ການ​ບັນ​ຍາຍ​ຈາກ​ ທ່ານນາງ ວຽງຊຳ ອິ​ນດາ​ວົງ ແລະ ທ່ານ ທອງ​ດີ ພົມ​ມະ​ວົງ​ສາ. ​ທັງ​ສອງ​ທ່ານໄດ້​ເວົ້າ​ ກ່ຽວ​ກັບ ສິ່ງ​ທີ່​ພວກ​ທ່ານ​ເຮັດ ເພື່ອ​ປະ​ກອບ​ສ່ວນ​ສ້າງ​ຄວາມ​ສະ​ເໝີ​ພາບຢູ່​ເຮືອນ ແລະ ຢູ່​ຊຸ​ມຊົນ. ທ່ານນາງ ວຽງ​ຊຳ ໄດ້​ແລກ​ປ່ຽນ​ຂໍ້​ຄວາມ​ທີ່​ເຕັມ​ໄປ​ດ້ວຍ​ພະ​ລັງສຳ​ລັບ​ຄົນ​ທີ່​ມີ​ຄວາມ​ອ່ອນ​ແອ ແລະ ວິ​ທີ​ທີ່​ລາວ​ຊ່ວຍ​ແກ້​ໄຂ​ບັນ​ຫາ​ດັ່ງ​ກ່າວ. ທ່າ​ນ ທອງ​ດີ ໄດ້​ກ່າວ​ເຊື້ອເຊີນໃຫ້​ທ່ານ​ຊາຍສົ່ງ​ເສີມ​ທ່ານ​ຍິງ, ບົດ​ບາດ​ສຳ​ຄັນ​ທີ່​ທ່ານ​ຊາຍ​ສາ​ມາດ​ເຮັດ​ໄດ້ເພື່ອ​ສົ່ງ​ເສີມ​ສິດ​ທິ​ແມ່​ຍິງ ແລະ ສິ່ງ​ດັ່ງ​ກ່າວນີ້​ຈະ​ສົ່ງຜົນ​ປະ​ໂຫຍດ​ລວ​ມ​ໃຫ້​ແກ່​ຄອບ​ຄົວໄດ້​ຄື​ແນວ​ໃດ.

​ການ​ເຄື່ອນ​ໄຫວ​​ຕ່າງໆ​ໃນ​ທົ່ວ​ໂລກ ໄດ້​​ນຳ​ໃຊ້ຄຳ​ຂັວນ “ຖ້​າພວກ​ເຮົາບໍ່ເຮັດ​ເພື່ອ​ພວກເຮົາ ກໍຈະ​ບໍ່​ມີ​​ພວກເຮົາ”. ສິ່ງ​ດັ່ງ​ກ່າວນີ້ ເປັນ​ຂໍ້​ຄວາມ​ທີ່​ມີ​ພະ​ລ​ັງ​ໃຫ້ແກ່​ຜູ້​ອອກ​ນະ​ໂຍ​ບາຍ, ເຊິ່ງ​ເປັນ​ການ​ເຕືອນ​ເຖິງ​ຄວາມ​ສຳ​ຄັນ​ຂອງ​ການ​​ລວມ​ຄົນທີ່​ໄດ້​ຮັບ​ຜົນ​ກະ​ທົບ​ເຂົ້າ​ໃນ​ສັງ​ຄົມ ເມື່ອ​​ສ້າງ​ນະ​ໂຍ​ບາຍ​ຕ່າງໆ. ທ່ານ​ນາງ ວຽງ​ຊຳ ເປັນ​ຕົວ​ຢ່າງ​ທີ່​ດີ ທີ່​ເນັ້ນ​ຍ້ຳ​ເຖິງ​ຄວາມ​ສຳ​ຄັນຂອງ​ຄອບ​ຄົວ ທີ່​ເຮັດ​ໜ້າ​ທີ່​ເປັນ​ຜູ້​ດູ​ແລ ແລະ ຜູ້​ໃຫ້​ການ​ສຶກ​ສາ​ແກ່​ເດັກ​ພິ​ການ ແລະ ວິ​ທີ​ທີ່​ຜູ້​ອອກ​ນະ​ໂຍ​ບາຍ​ຄວນ​ແກ້​ໄຂ​ບັນ​ຫາດັ່ງ​ກ່າວ.

​ຜູ້ບັນ​ຍາຍ​ທັງ​ສອງ​ທ່ານ ໄດ້ເຊຶື້ອ​ເຊີນ​ໃຫ້​ຜູ້​ເຂົ້າ​ຮ່ວມ​ສ້າງ​ຄວາມ​ປ່ຽນ​ແປງ ແລະ ພິ​ຈາ​ລະ​ນາ​ເບິ່ງວ່າ ຄວາມ​ປ່ຽນ​ແປງ  ຫຼື ຄວາມ​ແຕກ​ຕ່າ​ງ​ໃດ ທີ່​ພວກ​ເຂົາ​ຈະ​ເຮັດ ເພື່ອ​ສ້າງ​ຄວາມ​ປ່ຽນ​ແປງ​ໃນ​ຊີ​ວິດ​ຂອງ​ຄົນ​ທີ່​ຕ້ອງ​ການ​ຄວາມ​ຊ່ວຍ​ເຫຼືອ​ຈາກພວກ​ເຮົາ.

ທ່ານນາງ ວ​ຽງ​ຊຳ ອິນດາວົງ ແມ່ນ​ຜູ້​ຮ່ວມກໍ່​ຕັ້ງ ແລະ ເປັນ​ຜູ້​ອຳ​ນວຍ​ການ​ສະ​ມາ​ຄົມ​ເດັກ​ອໍ​ທິ​ສ​ຕິກ, ​ຊຶ່ງເປັນອົງ​ການນຳກ່ຽວ​ກັບເດັກ​ອໍ​ທິ​ສ​ຕິກ ແລະ ເດັກ​ພິ​ການ​ໃນ ສ ປ​ປ​ ​ລາວ. ຜົນ​ງານ​ຂອ​ງ​ລາວ​ປະ​ກອບ​ມີ ລາວ​ເປັນໜຶ່ງ​ໃນ​ ​ສະ​ມາ​ຄົມ​ອົດ​ສະ​ຕ​ຣາ​ລີ ເຊິ່ງ​ໄດ້​ຮຽນ​ຈ​ົບ​ປະ​ລິນ​ຍາ​ໂທ​ທາງ​ດ້ານ​ນະ​ໂຍບ​າຍ ແລະ ການ​ປະ​ຕິ​ບັດກັບ​ຄວາ​ມ​ພິ​ການ. ທ່ານນາງ ວຽງ​ຊຳ ເປ​ັນ​ຜູ້ນ​ຳກະ​ບອກ​ສຽງ​ສິດ​​ທິຂອງຄົນ​ພິ​ການ​ໃນ ສ​ປ​ປ ລາວ ແລະ ເປັນຜູ້​ນຳທາງ​ດ້ານການ​ສະ​ໜັບ​ສະ​ໜູນ​ນະ​ໂຍ​ບາຍ​ຂອງ​ຄົນ​ພິກາ​ນ ຮ່ວມ​ກັບ​ຜູ້​ໃຫ້​ທຶນຫຼັກ ແລະ ລັດ​ຖະ​ບານ​ລາວ. ຄວາມ​ເປັນ​ຜູ້​ນຳ​ຂອງ ທ່ານ​ນາງ ວຽງ​ຊຳ ໃນ​ສະ​ມາ​ຄົມ​ອໍ​ທິ​ສ​ຕິກ ປະ​ກອບ​ມີ ການ​ລະ​ດົມ​ທຶນ ແລະ ການ​ພັດ​ທະ​ນາ​ວິ​ທີ​ໃໝ່ທີ່​ຈະ​ເຮັດ​ວຽກ​ກັບ​ເດັກ​ນ້ອຍ ແລະ ໄວ​ໜຸ່ມ​ທີ່​ມີຄວາມ​ພິ​ການ. ລາວ​ເປັນ​ຜູ້​ນຳ​​ທີ່ສ້າງ​ແຮງ​ຈູງ​ໃຈ ໃນ​ຂະ​ແໜງ​ດັ່ງ​ກ່າວ.

ທ່ານ ທອງ​ດີ ພົມ​ມະ​ວົງ​ສາ ແມ່ນ​ນັກ​ສະ​ແດງ, ນັກ​ຮ້ອງ ແລະ ນັກ​ບັນ​ຍາຍ ​ທີ່​ມີ​ປະ​ສົບ​ການ ເຊິ່ງ​ຊ່ຽວ​ຊານ​ທາງ​ດ້ານສຸ​ຂະ​ຈະ​ເລີນ​ພັນ. ປະ​ຈຸ​ບັນ, ລາວເປັນ​ສະ​ມາ​ຊິກ​ທີມ​ບໍ​ລິ​ຫານ​ລະ​ດັບ​ສູງຢ​ູ່ອົງ​ການ PSI (ອົງ​ການ​ສາ​ກົນ​ບ​ໍ​ລິ​ການ​ປະ​ຊາ​ຊ​ົນ), ແລະ ອົງ​ການ​ຈັດ​ຕັ້ງ​ສາ​ກົນ ທີ່ບໍ່​ຂຶ້ນ​ກັບ​ລັດ​ຖະ​ບານ​ໃນ ສ​ປ​ປ ລາວ. ຜົນ​ສຳ​ເລັດ​ຂອງ​ ທ່ານ ທອງ​ດີ ປະ​ກອບ​ມີການ​ສະ​ໜັບ​ສະ​ໜູນ​ການ​ປັບ​ປຸງ​ການ​ເຂົ້າ​ເຖິງ​ການ​ບໍ​ລິ​ການ​ສຸ​ຂະ​​ຈະ​ເລີນ​ພັນ​ສຳ​ລັບຜູ້​ຍິງ ແລະ ຜູ້​ຊາຍ ໃນ ສ​ປ​ປ ​ລາວ, ການ​ພັດ​ທະ​ນາ​ນະ​ໂຍ​ບາຍ​ຕ​່າງໆ ຮ່ວມ​ກັບ​ກະ​ຊວງ​ສາ​ທາ​ລະ​ນະ​ສຸກ, ການ​ລະ​ດົມ​ທຶນ ແລະ ການເຄື່ອນ​ຍ້າຍ​ຊຸ​ມຊົນ. ທ່ານ ທອງ​ດີ ມີ​ແຮງ​ຈູງ​ໃຈ​ຕໍ່​ກັບ​ວຽກ​ງານ​ຂອງ​ລາວ, ແລ​ະ ການ​ສ້າງ​ຄວາມ​ປ່ຽນ​ແປງ​ໃຫ້​ແກ່​ຊີ​ວິດ​ມະ​ນຸດ.