Menu

ວັນລົບລ້າງການກືກໜັງສືສາກົນ ໄດ້ໝູນວຽນ ມາຄົບຮອບອີກວາລະໜຶ່ງ ຊຶ່ງໃນປີນີ້ໄດ້ຄົບ ຮອບ 51 ປີ. ອົດສະຕຣາລີ ແລະ ສະຫະ ພາບເອີຣົບ ໄດ້ເຫັນຄວາມສຳຄັນຂອງວັນ ດັ່ງກ່າວຢ່າງສູງ ແລະ ມີຄວາມພາກພູມໃຈ ທີ່ໄດ້ຊ່ວຍໃຫ້ ເດັກນ້ອຍໃນ ສປປ ລາວ ໄດ້ເຂົ້າເຖິງປຶ້ມອ່ານຫຼາຍຂື້ນ ໂດຍການຊ່ວຍ ເຫຼືອ ຜ່ານແຜນງານບີຄວາ

For_BEQUAL_Web2

ແຜນ​ງານ​ການ​ປັບ​ປຸງ​ຄຸນ​ນະ​ພາບ ແລະ ຂະ​ຫຍາຍ​ໂອ​ກາດ​​ເຂົ້າ​ຮຽນ ​ສຳ​ລັບ​ການ​ສຶກ​ສາ​​ຂັ້ນ​ພື້ນ​ຖານ​ຢູ່ ສ​ປ​ປ ລາວ (ແຜນ​ງານ​ບີ​ຄວາ) ເຮັດ​ວຽກ​ຢ່າງ​ໃກ້​ຊິດ​ກັບ ກະ​ຊວງ​ສຶກ​ສາ​ທິ​ການ ແລະ ກິ​ລາ ເພື່ອ​ຂະ​ຫຍາຍໂອ​ກາດ​ການ​ເຂົ້າ​ເຖິງ​ ປື້ມ​ອ່ານ ແລະ ສົ່ງ​ເສີມ​ວັດ​ທະ​ນະ​ທຳ ແລະ ປູກ​ຈິດ​ສຳ​ນຶກ​ໃຫ້​ແກ່​ເດັກ​ຮັກ​ໃນ​ການ​ອ່ານ. ແຜນ​ງານບີຄວາ ສະ​ໜັບ​ສະ​ໜູນ ກະ​ຊວງ​ສຶກ​ສາ​ທິ​ການ​ ແລະ ກິ​ລາ ໃນ​ການ​ປັບ​ປຸງຫຼັກ​ສູດ​ການ​ສຶກ​ສາຊັ້ນ​ປະ​ຖົມສຶກ​ສາ ໂດຍ​ເນັ້ນ​ໃສ່ການສອນໃຫ້​ເດັກຮຽນ​ອ່ານ. ໃນປີຜ່ານມາ, ປື້ມຮຽນ ແລະ ຄູ່ມືຄູ ປໍ 1 ສະບັບປັບປຸງ ໄດ້ຮັບການທົດລອງ ນຳໃຊ້ໃນຫ້ອງຮຽນຊັ້ນປະຖົມ 26 ຫ້ອງ ​ໃນ​ຂອບ​ເຂດ​ທົ່ວ​ປະ​ເທດ. ນອກ​ຈາກນີ້ ບັນ​ດາ​ຄູກໍຍັງ​ໄດ້ຮັບຊຸດປື້ມເລື່ອງ ທີ່ມີການແນະນຳກິດຈະກຳຕ່າງໆທີ່​ໜ້າ​ສົນ​ໃຈໃຫ້ແກ່ເດັກ.

ໃນ​ໄລ​ຍະຜ່ານມາ ຄູຈຳ​ນວນ​ໜຶ່ງບໍ່ລຶ້ງເຄີຍກັບການອ່ານປື້ມໃຫ້ ນັກຮຽນຟັງໃນຫ້ອງຮຽນປານໃດ ແຕ່ເຂົາເຈົ້າມີຄວາມສົນໃຈ ໃນການຮຽນຮູ້ວິທີການນຳໃຊ້ປື້ມເລື່ອງຕ່າງໆ ເພື່ອປັບປຸງການ​ຮຽ​ນ​ການສອນໃຫ້ມີປະສິດຕິພາບ.ໃນຕອນທ້າຍຂອງການທົດ ລອງ, ບັນດາຄູ ໄດ້ຮັບຮູ້ເຖິງຜົນປະ ໂຫຍດ ຂອງການອ່ານປື້ມ ໃຫ້ແກ່ເດັກນ້ອຍ ແລະ ຈະສືບຕໍ່ເຮັດກິດຈະ ກຳດັ່ງກ່າວ.

ການ​ເຂົ້າ​ເຖິງ​ປື້ມສຳ​ລັບ​​ອ່ານ ​ໃຫ້​ເດັກນ້ອຍ​ຟັງເປັນ ພາສາລາວ ທີ່​ມີ​ຄຸ​ນ​ນະ​ພາບ ​ແມ່ນ​ເປັນ​ສິ່ງ​ທ້າ​ທາຍ. ແຜນ​ງານ​ບີ​ຄວາ ແລະ ສະ​ຖາ​ບັນ​ຄົ້ນ​ຄວ້າວິ​ທະ​ຍາ​ສາດ​ການ​ສຶກ​ສາ (ສວ​ສ) ​ໄດ້ຄັດ​ເລືອກ​ເອົາ​ປື້ມນິທານ 40 ເລື່​ອງ ເພື່ອຈະ​ແຈກ​ຢາຍ​ໃຫ້​ແກ່​ບັນດາຫ້ອງຮຽນຊັ້ນ​ປະ​ຖົມ ໃນຂອບ​ເຂດທົ່​ວ​ປະ​ເທດ ​ເມື່ອຫຼັກ​ສູດ​ປັບ​ປຸງ​   ໃໝ່ຂອງຊັ້ນ​ປໍ 1 ຖືກ​ນຳ​ໃຊ້.

ໃນເດືອນນີ້, ທີມ​ງານ​ດັ່ງ​ກ່າວ​ກຳ​ລັງ​ເຮັດ​ວຽກ ກັບ ຜູ້ຈັດພິມຈາກ 6 ແຫ່ງ ​ເພື່ອ​ປັບ​ປຸງຄຸນ​ນະ​ພາບ​ຂອງ​ປື້ມ​ເລື່ອງ ໃຫ້​​ເໝາະ​ສົ​ມ​ແກ່​ເດັກຫຼາຍ​ຂື້ນ.

ປື້ມ​ເລື່ອງ ມີ​ຄວ​າມ​ສຳ​ຄັນ​ຕໍ່​ເດັກ ແລະ ຄູ ເຊິ່ງບໍ່ພຽງ​ແຕ່​ໃຫ້​ຄວາມ​ເພີ​ດ​ເພີນແກ່ເດັກ​ເທົ່າ​ນັ້ນ ແຕ່​ຍັງ​ໃຫ້​ເດັກ​ນ້ອຍ​ມີ​ການ​ພັດ​ທະ​ນາ​ທາງ​ດ້ານຈິນ​ຕະ​ນາ​ການ ແລະ ພາ​ສາ, ເພີ່ມ​ຄວາມ​ຮູ້, ໃຫ້​ຮູ້ສິນ​ທຳ ແລະ ໃຫ້​ວິ​ທີ​ການ​ແກ້​ໄຂ​ບັນ​ຫາ​ຕ່າງໆ”. ມາ​ດາມ ພັນ​ນາ​ລີ ເທ​ບ​ພະ​ວົງ​ສາ, ໜຶ່ງ​ໃນ​ຜູ້​ຈັດ​ພິ​ມ​ປື້ມເລື່ອງທີ່​ຖືກ​ຄັດ​ເລືອກສຳ​ລັບ​ໂຄງ​ການນີ້​ ​ກ່າວ.