Menu

ໃນວັນ​ທີ 10 ມິຖຸນາ ຜ່ານມາ ຄູຝຶກຂັ້ນແຂວງຫຼວງນ້ຳທາ ໄດ້ຮັບການຍົກລະດັບ, ບົດຂ່າວໂດຍ ສົມຕຸ້ຍ (ຂ.ຫຼວງນ້ຳທາ), ໜັງສືພິມສຶກສາ-ກິລາ

Image 001

Image 002

Image 003

ຄູ​ຝຶກ​ຂັ້ນ​ແຂວງ​ຫຼວງ​ນ້ຳ​ທາ​ ໄດ້​ຮັບ​ການ​ຍົກ​ລະ​ດັບ ການ​ນຳ​ໃຊ້​ຫຼັກ​ສູດ ຊັ້ນ​ປະ​ຖົມ​ສຶກ​ສາ (ປ.1) ເພື່ອ​ເສີມ​ສ້າງ​ຄວາມ​ເຂົ້າ​ໃຈ ແລະ ໝັ້ນ​ໃຈ​ໃຫ້​ແກ່​ຄູ​ຝຶກ​ປະ​ຈຳ​ແຂວງ ໃນ​ການ​ນຳ​ໃຊ້​ຫຼັກ​ສູດ​ສະ​ບັບ​ປັບ​ປ​ຸ​ງ​ໃໝ່ ເພື່ອ​ກະ​ກຽມ​ຄູ​ຝຶກ​ປະ​ຈຳ​ແຂວງ​ໃນ​ການ​ຖ່າຍ​ທອດ​ຄວາມ​ຮູ້​ໃຫ້​ແກ່​ຄູ​ຝຶກ​ປະ​ຈຳ​ການ, ຜູ້​ອຳ​ນວຍ​ການ​ໂຮງ​ຮຽນ ແລະ ຄູ​ສຶກ​ສາ​ນິ​ເທດ.

ກອງ​ປະ​ຊຸມ​ດັ່ງ​ກ່າວ, ໄດ້​ຈັດ​ຂຶ້ນ​ໃນ​ວັນ​ທີ 10 ມິ​ຖຸ​ນາ ຜ່ານ​ມາທີ່​ໂຮງ​ຮຽນ​ປະ​ຖົມ​ອຸ​ດົມ​ສິນ​ ເມືອງ ແລະ ແຂວງ​ຫຼວງ​ນ້ຳ​ທາ ໂດຍ​ການ​ເປັນ​ປະ​ທານ​ຂອງ​ທ່ານ​ສົມ​ຮັກ ສຸ​ຂະ​ພອນ ຮອງ​ຫົວ​ໜ້າ ພ​ະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ, ມີ ທ່ານ ໄຊ​ຍະ​ເດດ ຊົງ​ມີ​ໄຊ, ຫົວ​ໜ້າ​ພະ

​ແນກ​ມັດ​ທະ​ຍົມ​ຕອນ​ປາຍ ກົມ​ສາ​ມັນ​ສຶກ​ສາ, ກະ​ຊວງ​ສຶກ​ສາ​ທິ​ການ ແລະ ກິ​ລາ, ບັນ​ດາ​ພະ​ນັກ​ງານ​ລົງ​ຮາກ​ຖານ​ທີ່​ປະ​ຈຳ​ຢູ່​ແຂວງ, ຜູ້​ຕາງ​ໜ້າ​ຈາກ​ສູນ​ພັດ​ທະ​ນາ​ຄູ, ຕາງ​ໜ້າ​ແຜນ​ງານ​ບີ​ຄວາ ແລະ ຄູ​ຝຶກ​ຂັ້ນ​ແຂວງ​ເຂົ້າ​ຮ່ວມ.

ໃນ​ການ​ຝຶກ​ອົບ​ຮົມ​ຄັ້ງ​ນີ້, ມີ​ຄູ​ຝຶກ​ຫຼັກ​ແຫຼ່ງ ຈາກ​ຂະ​ແໜງ​ພັດ​ທະ​ນາ​ຄູ, ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ, ໂຮງ​ຮຽນ​ວິ​ທະ​ຍາ​ໄລ​ຄູ​ຫຼວງ​ນ້ຳ​ທາ, ຄູ​ຝຶກ​ປະ​ຈ​ຳ​ແຂວງ​ມາ​ຈາກ​ສ​ູນ​ນິ​ເທດ ແລະ ໜ່ວຍ​ງານ​ພັດ​ທະ​ນາ​ຄູ ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ ໄດ້​ຮຽນ​ຮູ້​ການ​ຮຽນ​ແບບ​ເນັ້ນ​ການ​ປະ​ຕິ​ບັດ​ຕົວ​ຈິງ, ການ​ແຕ່ງ​ບົດ​ສອນ​ແບບ​ໃໝ່, ການ​ເຂົ້າ​ໃຈ​ຫຼັກ​ສູດ​ວິ

​ຊາ​ພາ​ສາ​ລາວ, ວິ​ທະ​ຍາ​ສາດ ແລະ ສິ່ງ​ແວດ​ລ້ອມ, ຄຸນ​ສົມ​ບັດ​ສຶກ​ສາ, ສິ​ລະ​ປະ​ກຳ ແລະ ຫັດ​ຖະ​ກຳ, ສິ​ລະ​ປະ​ດົນ​ຕີ ແລະ ພະ​ລະ​ສຶກ​ສາ.

ໂອ​ກາດ​ດັ່ງ​ກ່າວ, ທ່ານ ສົມ​ຮັກ ສຸ​ຂະ​ພອນ ໄດ້​ມີ​ຄຳ​ເຫັນ​ທັງ​ເນັ້ນ​ໜັກ​ໃຫ້​ຄູ​ຝຶກ​ຫຼັກ​ແຫຼ່ງ, ຄູ​ຝຶກ​ປະ​ຈຳ​ແຂວງ ຈົ່ງ​ພ້ອມ​ໃຈ​ກັນ ເອົາ​ໃຈ​ໃສ່​ປະ​ຕິ​ບັດ​ໜ້າ​ທີ່​ໃຫ້​ສຳ​ເລັດ ໃຫ້​ມີ​ຄູນ​ນະ​ພາບ ເພື່ອ​ນຳ​ໄປ​ຈັດ​ຕັ້ງ​ປະ​ຕິ​ບັດ ຫຼື ໄປ​ຝຶກ​ຕໍ່​ໃຫ້​ຄູ​ຝຶກ​ປະ​ຈຳ​ການ, ຜູ້​ອຳ​ນວຍ​ການ​ໂຮງ​ຮຽນ ແລະ ຄູ​ສຶກ​ສາ​ນິ​ເທດ ຢູ່​ໃນ​ເມືອງ​ຂອງ​ຕົນ ແລະ ໃຫ້​ລູກໆ ຫຼານໆ​ຂອງ​ເຮົາ ອ່ານ​ໄດ້​ຂຽນ​ເປັນ​ຕາມ​ລະ​ດັບ​ຄາດ​ໝາຍ.